India Vs New Zealand Champions Trophy : రెండు జట్లను భయపెడుతున్న బలహీనతలు

భారత్ - న్యూజిలాండ్ మధ్య ఫైనల్ పోరు ఆసక్తికరంగా సాగనుంది. దుబాయ్ లో జరగనున్న ఈ ఫైనల్ మ్యాచ్ లో బలాబలాలు, బలహీనతలు రెండు జట్లను భయపెడుతున్నాయి. ఈ ఛాంపియన్స్ ట్రోఫీలో భారత్, న్యూజిలాండ్ మంచి ప్రతిభను కనపర్చాయి. భారత్ ఇప్పటి వరకూ లీగ్ మ్యాచ్ లో కానీ, సెమీ ఫైనల్స్ లో గాని వరస విజయాలతో దూసుకు వచ్చింది. న్యూజిలాండ్ అయితే భారత్ తో తప్పించి ఆడిన అన్ని మ్యాచ్ లలోనూ గెలిచింది. అంతేకాదు భారీ స్కోరు సాధించింది. పాకిస్థాన్, సౌతాఫ్రికా మీద భారీ స్కోరు చేయడంతో ఈ జట్టు బ్యాటింగ్ పరిస్థితి ఎవరికీ వేరే ప్రత్యేకంగా చెప్పాల్సిన పనిలేదు. అందుకే బ్యాటింగ్ పరంగా అది బలమైన జట్టుగానే భావించాలి. అయితే న్యూజిలాండ్ బౌలింగ్ పరంగా కొంత బలహీనంగా ఉందని చెప్పాలి.