Inda Vs Australia Chmapions Trophy : ఆస్ట్రేలియా ను నిలువరించడం ఎలా?

ప్రస్తుతం ఆస్ట్రేలియా 236 పరుగులకు ఆరు వికెట్లు కోల్పోయింది. క్యారీ క్రీజులో ఉండటంతో స్కోరు ఇంకా పెరిగే అవకాశముందన్న అంచనాలు వినపడుతున్నాయి. అదే సమయంలో 250 పరుగులకు లోపు ఆసిస్ ఆటగాళ్లను అవుట్ చేయగలిగితేనే భారత్ కు గెలుపు అవకాశాలు ఎక్కువగా ఉంటాయన్న అంచనాలు వినపడుతున్నాయి. షమి, జడేజా తలో రెండు వికెట్లు, అక్షర్ పటేల్ ఒకటి, వరుణ్ చక్రవర్తి మరొక వికెట్ తీశారు. బౌలర్లు ఎంత శ్రమించినా వారు పాతుకుపోయిఆడుతుండటంతో స్కోరు భారీగాపెరిగే అవకాశాలున్నాయి. అదే జరిగితే ఇక మన బ్యాటర్ల మీద మరింత వత్తిడి పెరుగుతుందని చెప్పాలి. ఛేదనలో భారత్ కు మంచి సక్సెస్ రేటు ఉన్నప్పటికీ ప్రత్యర్థి ఆసిస్ కావడంతో ఒకింత జాగ్రత్తగా ఆడాల్సి ఉంటుంది.

ఇక సీనియర్ ఆటగాళ్లు రోహిత్ శర్మ, విరాట్ కోహ్లిపైనే ఎక్కువ భారం ఉంది. టార్గెట్ ను రీచ్ అవ్వాలంటే ఓపెనర్లుగా దిగిన శుభమన్ గిల్, రోహిత్ శర్మ నిలకడగా ఆడుతూ స్కోరును ముందుకు తీసుకెళ్లగలిగితేనే తర్వాత వచ్చే వారిపై వత్తిడి ఉండదు. స్పిన్నర్ల ప్రభావం ఈ పిచ్ పై పనిచేయలేదని అనుకోవాలా? లేక పేసర్లు ఎక్కువ వికెట్లు తీశారు అనుకోవాలా? అనే దానిపై పిచ్ మరికొంత సమయానికి మారే అవకాశాలున్నాయంటున్నారు. అందుకే రోహిత్ శర్మ, విరాట్ కోహ్లి, కేఎల్ రాహుల్ లు రాణిస్తేనే విజయం మనవైపు తొంగి చూస్తుంది. ఆస్ట్రేలియా బలం బ్యాటింగ్ మాత్రమే కావడం భారత్ కు కొంత అదనపు బలంగా భావించినా దుబాయ్ పిచ్ లో మనోళ్లు ఏం చేస్తారన్నది మాత్రం ఫ్యాన్స్ నుకంగారు పెడుతుంది