IPL 2025 : నేడు కసిగా ఆడే జట్లు రెండు ఢీ

నేడు ఐపీఎల్ లో మరో కీలక మ్యాచ్ జరుగుతుంది. రాయల్ ఛాలెంజర్స్ బెంగళూరు జట్టు పంజాబ్ కింగ్స్ తో తలపడుతుంది. రాత్రి 7.30 గంటలకు బెంగళూరులో ఈ మ్యాచ్ జరగనుంది. అయితే రెండు జట్లు మంచి ఊపుమీదున్నాయి. రాయల్ ఛాలెంజర్స్ బెంగళూరు జట్టు ఆరు మ్యాచ్ లు ఆడి నాలుగింటిలో గెలిచి రెండింటిలో ఓటమి పాలయింది. పంజాబ్ కింగ్స్ కూడా ఆరు మ్యాచ్ లు ఆడి రెండింటిలో ఓడి ఎనిమిది పాయింట్లతో సమానంగా ఉంది. దీంతో ఇరుజట్లు పోరు నేడు రసవత్తరంగా మారనుంది. సొంత మైదానంలో ఆడుతుండటంతో రాయల్ ఛాలెంజర్స్ బెంగళూరు జట్టుకు కొంత అనుకూలంగా ఉంటుందన్న విశ్లేషణలు వెలువడుతున్నాయి.