India vs South Africa : అయిపోయిందయ్యా.. ఇది కూడా ఓడినట్లేనా?

ఇప్పటికే దక్షిణాఫ్రికా 288 పరుగుల భారీ ఆధిక్యంతో రెండో ఇన్నింగ్స్ ను మొదటుపెట్టింది. మూడో రోజు ఆట ముగిసే సమయానికి ఒక్క వికెట్ కూడా నష్టపోకుండా దక్షిణాఫ్రికా ఇరవై ఆరు పరుగులు చేసింది. భారత్ మాత్రం మొదటి ఇన్నింగ్స్ లో 201 పరుగులకు ఆల్ అవుట్ అయింది. యశస్వి జైశ్వాల్ ఒక్కడే యాభై ఎనిమిది పరుగులు చేసి పరవాలేదనిపించాడు. తర్వాత వాషింగ్టన్ సుందర్ నలభై ఎనిమిది పరుగులు చేసి ఓకే అని పించుకున్నాడు. ఇక మిగిలిన బ్యాటర్లందరూ వరస పెట్టి అవుటయి దక్షిణాఫ్రికా చేతికి విజయాన్ని చేరువలోకి తీసుకెళ్లారు.

కెఎల్ రాహుల్ ఇరవై రెండు, సాయి సుదర్శన్ పదిహేను, ధ్రువ్ జురెల్ డకౌట్ తో వెనుదిరిగారు. రిషబ్ పంత్ ఏడు పరుగులు, నితీష్ కుమార్ రెడ్డి పది పరుగులు, రవీంద్ర జడేజా ఆరు పరుగులు చేసి పెవిలియన్ కు చేరుకున్నారు. కులదీప్ యాదవ్ సహకారంతో నే వాషింగ్టన్ సుందర్ 48 పరుగుల చేయయగలిగాడు. దక్షిణాఫ్రికా బౌలర్లలో మార్కో జాన్సెన్ ఆరు వికెట్లు తీశాడు. సీమన్ హర్మర్ మూడు వికెట్లు తీశాడు. కేశవ్ మహారాజ్ ఒకటి తీయడంతో భారత్ పని అయిపోయింది. జట్టు కోచ్ తో పాటు సభ్యులను కూడా మార్చాలన్న డిమాండ్ క్రికెట్ అభిమానుల నుంచి సోషల్ మీడియాలో ఎక్కువగా వినిపిస్తుంది. మరి భారత్ ఈ మ్యాచ్ లో నాలుగో రోజు, ఐదో రోజు నిలబడి ఆడితే డ్రాగా ముగిసే అవకాశం మాత్రం కొంత కనిపిస్తుంది.