శ్రీలంకతో అంత సులువు కాదు

పాకిస్థాన్ జట్టుపై రికార్డు స్థాయి విజయంతో ఊపు మీదున్న టీం ఇండియా శ్రీలంకను అంత ఆషామాషీగా తీసుకోవడానికి వీలులేదు. అదే కొలోంబోలో ఈ మ్యాచ్ కూడా జరగనుంది. అయితే శ్రీలంక టీంకు ఇది హోం పిచ్ కావడంతో గెలుపుపై ధీమాగా ఉంది. సూపర్ 4లోకి ప్రవేశించిన జట్లు అన్నీ బలంగానే కనిపిస్తున్నాయి.

అయితే శ్రీలంకతో జరిగే జట్టులో కొన్ని మార్పులు, చేర్పులు చేపట్టాలని భావిస్తున్నారు. కొందరి ఆటగాళ్లకు విశ్రాంతి ఇవ్వాలని నిర్ణయించినట్లు తెలిసింది. శ్రేయస్ అయ్యర్ తో పాటు మహ్మద్ షమీకి ఈ గేమ్ లో చోటు కల్పించే అవకాశాలున్నాయని తెలిసింది. అయితే రెండు జట్లు బలంగా ఉండటం, ఎవరి ప్లస్ పాయింట్లు వారికి ఉండటంతో గెలుపోటములు నిర్ణయించడం కష్టమే. నిన్న పాక్ మ్యాచ్ చూసిన క్రికెట్ ఫ్యాన్స్ కు నేడు జరగనున్న మ్యాచ్ కూడా మంచి ఫీస్ట్ అని చెప్పాలి. అయితే వర్షం పడే సూచనలు ఉండటంతో మ్యాచ్ జరగడంపైన కూడా భిన్నాభిప్రాయాలు వ్యక్తమవుతున్నాయి.