Ys Jagan, KTR : కలయిక పరామర్శకే కాదట... పరమార్థం వేరే ఉందట

ఇద్దరు మిత్రులు కలిశారు. ఇద్దరూ చాలా రోజుల తర్వాత కలుసుకున్నారు. ఆత్మీయ ఆలింగనం చేసుకున్నారు. నందినగర్ లోని కేసీఆర్ ఇంటికి వచ్చిన జగన్ కు కేటీఆర్ కు స్వాగతం పలికారు. ఈ సందర్భంగా జగన్ కేటీఆర్‌తో ఆత్మీయంగా కౌగిలించుకున్నారు. ఇటీవల తెలంగాణ ఎన్నికల్లో ఓటమి పాలయిన తర్వాత డీలా పడిన కేసీఆర్ కు భుజం తట్టి ధైర్యం చెప్పినట్లు ఆ ఫొటోలు చూస్తేనే కనిపిస్తుంది. రాష్ట్ర విభజన తర్వాత రెండు రాష్ట్రాలు విడిపోయిన తర్వాత ఇటు కేసీఆర్ కాని, అటు జగన్ కాని ఎప్పుడూ ఒకరిపై ఒకరు విమర్శలకు దిగలేదు. పైగా తన ప్రమాణస్వీకారానికి కేసీఆర్‌ను జగన్ ఆహ్వానించారు. కేసీఆర్ కూడా జగన్ ప్రమాణస్వీకారానికి వెళ్లి ఆశీర్వదించారు.