ଫ୍ୟାକ୍ଟ ଚେକ୍: ଅଜିତ ଡୋଭାଲଙ୍କ ନାଁ ଏବଂ ଫଟୋ ବ୍ୟବହାର କରି ନକଲି ଫେସବୁକ ପୋଷ୍ଟ ଯୋଗେ ସାଇବର ଆଟାକ୍ ଚେତାବନୀ

ଭାରତ ଏବଂ ପାକିସ୍ତାନ ମଧ୍ୟରେ ଥିବା ଉତ୍ତେଜନା ଏବେ ଡିଜିଟାଲ୍ ସ୍ପେସକୁ ବ୍ୟାପିଛି, ପାକିସ୍ତାନରୁ ହ୍ୟାକର୍ସଙ୍କ ଦ୍ୱାରା ସାଇବର ଆକ୍ରମଣର ରିପୋର୍ଟ ଆସିଛି । ପରିସ୍ଥିତି ଖରାପ ହେବା ସହିତ, ଭାରତୀୟ ନାଗରିକ, ବ୍ୟବସାୟ ଏବଂ ବ୍ୟାଙ୍କିଂ ଏବଂ ଆର୍ଥିକ ଭଳି ପ୍ରମୁଖ କ୍ଷେତ୍ରଗୁଡ଼ିକ ଫିସିଂ, ମାଲୱେର୍ ଏବଂ ଡାଟା ଉଲ୍ଲଂଘନ ସମେତ ଅଧିକ ଅନଲାଇନ୍ ବିପଦ ହୋଇପାରେ । ଏକ ଚେତାବନୀ ପରେ, ବମ୍ବେ ଷ୍ଟକ୍ ଏକ୍ସଚେଞ୍ଜ ବଜାର ଅଂଶଗ୍ରହଣକାରୀ ମାନଙ୍କୁ ଅତିରିକ୍ତ ସତର୍କ ରହିବାକୁ ପରାମର୍ଶ ଦେଇଛି ।

ଜୀ ନ୍ୟୁଜ୍ ପ୍ରସାରିତ ଖବର ଅନୁଯାୟୀ, ଜଣେ ଅଧିକାରୀ କହିଛନ୍ତି ଯେ, ପାକିସ୍ତାନ ହ୍ୟାକର୍ସମାନେ ସମ୍ବେଦନଶୀଳ ସୂଚନା ଏବଂ ଆର୍ଥିକ ତଥ୍ୟକୁ ବିପଦରେ ପକାଇବା ପାଇଁ ମାଲୱେର ବଣ୍ଟନ କରିବା ପାଇଁ ହ୍ୱାଟ୍ସଆପ୍, ଇମେଲ୍, ଫେସବୁକ୍ ଏବଂ ଟେଲିଗ୍ରାମ ଭଳି ପ୍ଲାଟଫର୍ମ ବ୍ୟବହାର କରୁଛନ୍ତି। ଏହା ବ୍ୟତୀତ, ଭାରତୀୟ ବ୍ୟାଙ୍କଗୁଡ଼ିକ ସେମାନଙ୍କର ସାଇବର ସୁରକ୍ଷା ଫ୍ରେମୱାର୍କକୁ ମଜବୁତ କରିଛନ୍ତି ଏବଂ ସୀମାବର୍ତ୍ତୀ ଅଞ୍ଚଳ ନିକଟରେ ଥିବା ଶାଖା ଗୁଡ଼ିକରେ ସୁରକ୍ଷାକୁ ମଜବୁତ କରିଛନ୍ତି ।

ଏହି ମଧ୍ୟରେ, ଭାରତର ଜାତୀୟ ସୁରକ୍ଷା ପରାମର୍ଶଦାତା (NSA) ଅଜିତ ଡୋଭାଲଙ୍କ ନାମରେ ଏକ ଫେସବୁକ୍ ପୋଷ୍ଟ ସୋସିଆଲ ମିଡିଆରେ ଭାଇରାଲ ହେଉଛି। ଏହି ବାର୍ତ୍ତାରେ ନାଗରିକମାନଙ୍କୁ ପାକିସ୍ତାନରୁ ସମ୍ଭାବ୍ୟ ସାଇବର ଆକ୍ରମଣ ବିଷୟରେ ଚେତାବନୀ ଦିଆଯାଇଛି ଏବଂ ସେମାନଙ୍କୁ ସନ୍ଦିଗ୍ଧ ଲିଙ୍କ ଉପରେ କ୍ଲିକ୍ ନକରିବାକୁ କିମ୍ବା ଅଜଣା ନମ୍ବରରୁ ଆସୁଥିବା କଲର ଉତ୍ତର ନ ଦେବାକୁ ଅନୁରୋଧ କରାଯାଇଛି ।

ଯାହାର ସ୍କ୍ରିନସଟ୍ ତଳେ ଉପଲବ୍ଧ ରହିଛି ।

Fact Check :

ଦାବିଟି ବିଭ୍ରାନ୍ତିକର ଅଟେ । ଭାରତ ପାକିସ୍ତାନ ସ୍ଥିତି ଦେଖି ସୁରକ୍ଷା ଏଜେନ୍ସି ପକ୍ଷରୁ ସାଇବର ଆଟାକ ନେଇ, ସତର୍କ କରାଯାଇଛି । ହେଲେ, ଅଜିତ ଡୋଭାଲଙ୍କ ନାଁରେ ହୋଇଥିବା ଉକ୍ତ ଫେସବୁକ ପୋଷ୍ଟଟି ଫେକ୍ ଅଟେ । ଆଜିତଙ୍କ ଏଭଳି କୌଣସି ଫେସବୁକ ଆକାଉଣ୍ଟ ନାହିଁ ।

ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କ ସାଇବର ଆକ୍ରମଣ ଚେତାବନୀ ସମ୍ପର୍କିତ ଦାବିନେଇ ତଦନ୍ତ କରିଥିଲୁ । ଉକ୍ତ ସତର୍କ ସୂଚନା ନେଇ କିଛି ଖବର ପ୍ରସାରିତ ହୋଇଥିବାର ପାଇଥିଲୁ, କିନ୍ତୁ କୌଣସି ଖବରରେ ଶ୍ରୀ ଡୋଭାଲଙ୍କ ପକ୍ଷରୁ ଚେତାବନୀ ଆସିଥିବାର ଉଲ୍ଲେଖ ନଥିଲା । ଯଦି ଏପରି କୌଣସି ଚେତାବନୀ ତାଙ୍କ ଦ୍ୱାରା ଜାରି କରାଯାଇଥାନ୍ତା, ତେବେ ଏହା ମୁଖ୍ୟଧାରାର ଗଣମାଧ୍ୟମ ଦ୍ୱାରା ରିପୋର୍ଟ କରାଯାଇଥାନ୍ତା ।

ଯେତେବେଳେ ଆମେ ଫେସବୁକ୍ ଆକାଉଣ୍ଟ ଦେଖିଲୁ, ଆମେ ଜାଣିଲୁ ଯେ ବାୟୋରେ ଉଲ୍ଲେଖ କରାଯାଇଛି ଯେ ଏହା ଭାରତର ଜାତୀୟ ସୁରକ୍ଷା ପରାମର୍ଶଦାତାଙ୍କ ଅନ ଅଫିସିଆଲ ଆକାଉଣ୍ଟ ।

ଉକ୍ତ କୀୱାର୍ଡ ବ୍ୟବହାର କରି ଇଣ୍ଟରନେଟ୍ ରେ ସନ୍ଧାନ କରିବାରୁ ଜଣାପଡ଼ିଛି ଯେ, ଅଜିତ ଡୋଭାଲଙ୍କ ଫେସବୁକ୍ ସମେତ କୌଣସି ନିଜସ୍ୱ ସୋସିଆଲ ମିଡିଆ ଆକାଉଣ୍ଟ ନାହିଁ ।

ଏନେଇ ଫ୍ୟାକ୍ଟଲି ପ୍ରକାଶିତ ହୋଇଛି ଯେ, ସେମାନେ ପୂର୍ବରୁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ସହିତ ଯୋଗାଯୋଗ କରି ଯାଞ୍ଚ କରିଥିଲେ । ଅଜିତ ଡୋଭାଲଙ୍କ ଏକ ଏକ୍ସ କିମ୍ବା ଟ୍ୱିଟର ଆକାଉଣ୍ଟ ଅଛି କି ନାହିଁ, ସେମାନେ ନିଶ୍ଚିତ କରିଥିଲେ ଯେ ତାଙ୍କର କୌଣସି ସୋସିଆଲ ମିଡିଆ ଆକାଉଣ୍ଟ ନାହିଁ ।

ପିଆଇବି ଫ୍ୟାକ୍ଟ ଚେକ୍ ଟିମ୍ ନିଶ୍ଚିତ କରିଛି ଯେ ଅଜିତ ଡୋଭାଲଙ୍କ ସୋସିଆଲ ମିଡିଆରେ କୌଣସି ଆକାଉଣ୍ଟ ନାହିଁ ଏବଂ ସ୍ପଷ୍ଟ କରିଛି ଯେ, ପ୍ରସାରିତ ହେଉଥିବା ବାର୍ତ୍ତାଟି ତାଙ୍କ ନାମରେ ମିଥ୍ୟା ଭାବରେ ଲେଖାଯାଇଛି। ନାଗରିକମାନଙ୍କୁ ସତର୍କ ରହିବାକୁ ଏବଂ ସରକାରୀ ଅଧିକାରୀଙ୍କ ପ୍ରତିନିଧିତ୍ୱ କରୁଥିବା ନକଲି କିମ୍ବା ଛଦ୍ମବେଶୀ ପ୍ରୋଫାଇଲଗୁଡ଼ିକ ସହିତ ଯୋଗାଯୋଗ କରିବାରୁ ଦୂରେଇ ରହିବାକୁ ପରାମର୍ଶ ଦିଆଯାଇଛି ।

ଏହା ପ୍ରମାଣିତ କରେ ଯେ, ଏନଏସଏ ଅଜିତ ଡୋଭାଲଙ୍କ ନାମରେ ଥିବା ଫେସବୁକ୍ ପୋଷ୍ଟଟି ନକଲି ଅଟେ ।

ଯେତେବେଳେ ଆମେ ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ସମ୍ପର୍କିତ ସୁରକ୍ଷା ଏଜେନ୍ସିଗୁଡ଼ିକରୁ ସାଇବର ବିପଦ ଚେତାବନୀ ନେଇ ଖୋଜିଥିଲୁ । ଏନେଇ ଅନେକ ଗଣମାଧ୍ୟମ ଏହି ବିଷୟରେ ରିପୋର୍ଟ ପ୍ରକାଶ କରିଥିବାର ଦେଖିବାକୁ ପାଇଥିଲୁ ।

କେ ନିୟୁଜ ଉକ୍ତ ଖବରକୁ ପ୍ରସାରିତ କରି ଉଲ୍ଲେଖ କରିଛି, ଭାରତ ପାକିସ୍ତାନ ସ୍ଥିତି ମଧ୍ୟରେଭାରତ ଉପରେ ସାଇବର ଆକ୍ରମଣର ଖବର ସାମ୍ନାକୁ ଆସୁଛି । ପ୍ରକୃତରେ, ‘ଡାନ୍ସ ଅଫ୍ ଦି ହିଲାରୀ’ ନାମକ ଏକ ଅଜଣା ଲିଙ୍କ୍ ହ୍ୱାଟ୍ସଆପ୍, ଇମେଲ୍ ଏବଂ ଅନ୍ୟାନ୍ୟ ସୋସିଆଲ ମିଡିଆ ମାଧ୍ୟମରେ ଲୋକମାନେ ଗ୍ରହଣ କରୁଛନ୍ତି । କୁହାଯାଉଛି ଯେ ଏହା ଏକ ବିପଦଜନକ ଭାଇରସ, ଯାହା ମାଧ୍ୟମରେ ଶତ୍ରୁ ଦେଶ ଭାରତ ଉପରେ ସାଇବର ଆକ୍ରମଣ କରିବାକୁ ଚାହୁଁଛି ।

ସମାଜରେ ପ୍ରସାରିତ ଖବର ଅନୁଯାୟୀ, ସୀମାରେ ଭାରତଠାରୁ କଡା ଜବାବ ପାଇବା ପରେ ରକ୍ତ ଚାଉଳ ଚୋବାଉଛି ପାକିସ୍ତାନ । ମିସାଇଲ ଆକ୍ରମଣକୁ କଡା ଜବାବ ଦେଇଥିବାରୁ ପାକିସ୍ତାନର ଅବସ୍ଥା ଶୌଚନୀୟ ହୋଇପଡିଛି । ସବୁ କ୍ଷେତ୍ରରୁ ଭାରତ ଉପରେ ଆକ୍ରମଣ କରିବାରେ ବିଫଳ ହେଉଥିବାରୁ ଏବେ ସାଇବର ଆଟାକର ଉପାୟ ଆପଣାଇଛି ପାକିସ୍ତାନ । ଗୋଇନ୍ଦା ବିଭାଗର ସୂଚନା ଆଧାରରେ ଲୋକମାନଙ୍କୁ ସାବଧାନ ରହିବାକୁ କୁହାଯାଇଛି । କୌଣସି ଅଜଣା ଲିଙ୍କ୍‍ କିମ୍ବା ଫାଇଲ ଏବଂ ଅଜଣା ଫଟୋରେ କ୍ଲିକ୍‍ ନକରିବାକୁ ଭାରତରେ ଇଣ୍ଟରନେଟ ୟୁଜର୍ସଙ୍କୁ ପରାମର୍ଶ ଦିଆଯାଇଛି ।

ଦାବିଟି ବିଭ୍ରାନ୍ତିକର, ଯଦିଓ ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ଯୋଗୁଁ ସୁରକ୍ଷା ଏଜେନ୍ସିଗୁଡ଼ିକ ପ୍ରକୃତରେ ସାଇବର ବିପଦ ନେଇ ଚେତାବନୀ ଜାରି କରିଛନ୍ତି । କିନ୍ତୁ ଏନଏସଏ ଅଜିତ ଡୋଭାଲଙ୍କ ନାମରେ ସେୟାର ହେଉଥିବା ଫେସବୁକ ପୋଷ୍ଟଟି ଫେକ୍ ଅଟେ । ସୂଚନା ଅନୁଯାୟୀ ତାଙ୍କର ନିଜସ୍ୱ କୌଣସି ସୋସିଆଲ ମିଡିଆ ଆକାଉଣ୍ଟ ନାହିଁ I