Supreme Court : 370 రద్దుపై నేడు తీర్పు....దేశమంతటా హై అలర్ట్

ఆర్టికల్ 370 రద్దుపై నేడు సుప్రీంకోర్టులో తీర్పు ఇవ్వనుంది. సెప్టంబరులో రిజర్వ్ చేసిన తీర్పును నేడు సుప్రీంకోర్టు వెలువరించనుంది. ఈ నేపథ్యంలో కాశ్మీర్‌ అంతటా కట్టుదిట్టమైన భద్రత ఏర్పాటు చేశారు. ఎటువంటి అవాంఛనీయ సంఘటనలు జరగకుండా ముందస్తు చర్యలను ప్రభుత్వం చేపట్టింది. తీర్పు రానుండటంతో జమ్మూకాశ్మీర్ లోని వివిధ పార్టీలకు చెందిన నేతలను గృహనిర్భంధంలోకి తీసుకుంది. రాష్ట్రమంతటా హై అలర్ట్ ప్రకటించింది. తీర్పు ఎలా వచ్చినా అన్ని రకాలుగా ఎదుర్కొనేందుకు కేంద్ర బలగాలు సిద్ధంగా ఉన్నాయి. దేశ వ్యాప్తంగా కూడా పోలీసు అధికారులను హోంశాఖ అప్రమత్తం చేసింది.