Modi Cabinet : చివరి కేబినెట్.. ఎలాంటి నిర్ణయాలు ఉంటాయంటే?

ప్రధాని నరేంద్ర మోదీ అధ్యక్షతన కేంద్ర కేబినెట్ సమావేశం ప్రారంభమయింది. ఈ సమావేశంలో కీలక నిర్ణయాలు తీసుకునే అవకాశముంది. ఈ టర్మ్‌కు ఇదే చివరి మంత్రి వర్గ సమావేశం కావడంతో ఎన్నికలకు ముందు మంత్రి వర్గ సమావేశంలో ఎలాంటి నిర్ణయాలు తీసుకుంటారన్నది ఆసక్తికరంగా మారింది. ఈ నెల 15 లేదా 16 తేదీల్లో ఎన్నికల షెడ్యూల్ విడుదలయ్యే అవకాశముండటంతో కీలక నిర్ణయాల దిశగా కేంద్ర కేబినెట్ సమావేశం తీసుకునే ఛాన్స్ ఉందంటున్నారు. దివంగత ముఖ్యమంత్రి ఎన్టీఆర్ కు భారతరత్నపై ఈ సమావేశంలో నిర్ణయం తీసుకుంటారని కూడా ప్రచారం జరుగుతుంది. సినీ రంగంలో మాత్రమే కాకుండా, రాజకీయాల్లోనూ సంచలనాలు సృష్టించిన ఎన్టీఆర్ కు భారతరత్న ఇవ్వాలన్న డిమాండ్ ఎప్పటి నుంచో ఉంది.