బంగారం ధరలకు బ్రేక్

బంగారం అంటేనే అంతే మరి. ఎప్పుడూ పెరగడమే కాని ధరలు మాత్రం తగ్గవు. కేంద్ర బ్యాంకుల వద్ద బంగారం నిల్వలు, అంతర్జాతీయ మార్కెట్‌లో ధరల ఒడిదుడుకులు, ద్రవ్యోల్బణం, డాలర్‌తో రూపాయి తగ్గుదల, రష్యా - ఉక్రెయిన్ ల మధ్య యుద్ధం, కేంద్ర ప్రభుత్వం బడ్జెట్‌లో కస్టమ్స్ డ్యూటీ తగ్గించడం, బంగారం దిగుమతులను తగ్గించడం వంటి కారణాలతో బంగారం ధరలు పెరుగుతున్నాయని మార్కెట్ నిపుణులు చెబుతున్నారు. ఈ ఏడాది బంగారం ధరలు మరింత పెరిగే అవకాశముందని ముందుగానే అంచనా వేశారు. తులం బంగారం 70 వేల రూపాయలకు చేరుకుంటుందని కూడా అంచనాలు వినిపిస్తున్నాయి. దీంతో పేద, సామన్య తరగతి ప్రజలకు బంగారం భారంగా మారనుంది.