ధరలు ఆగేట్లు లేవే

బంగారం ధరలు ఎప్పుడూ పెరుగుతూనే ఉంటాయి. అప్పుడప్పుడు మాత్రమే తగ్గుతుంటాయి. ఈ ఏడాది తులం బంగారం డెబ్బయి వేల రూపాయలకు చేరుకుంటుందన్న నిపుణుల అంచనా నిజమయ్యేటట్లుంది. వారంలో రెండు రోజులు స్వల్పంగా ధరలు తగ్గితే ఐదు రోజులు ధరలు పెరుగుతూనే ఉంటాయి. కేంద్ర బ్యాంకుల వద్ద బంగారం నిల్వలు, అంతర్జాతీయ మార్కెట్‌లో ధరల ఒడిదుడుకులు, ద్రవ్యోల్బణం, డాలర్‌తో రూపాయి తగ్గుదల, రష్యా - ఉక్రెయిన్ యుద్ధం కారణంగా బంగారం ధరలు పెరుగుతుంటాయని నిపుణులు చెబుతుంటారు. పెళ్లిళ్ల సీజన్ కావడంతో బంగారం ధరలు మరింతగా పరుగులు తీస్తాయంటున్నారు. దీంతో బంగారం పేద, మధ్య తరగతి ప్రజలకు భారంగా మారనుంది.