మళ్లీ పెరిగిన బంగారం ధరలు

బంగారం ధరలు తగ్గాయని సంబరపడేలోపే వాటి ధరలు పెరుగుతుంటాయి. బంగారం ధరల పెరుగుదల ఆగడం లేదు. కేంద్ర బ్యాంకుల వద్ద బంగారం నిల్వలు, అంతర్జాతీయ మార్కెట్ లో ధరల ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల, రష్యా - ఉక్రెయిన్ మధ్య యుద్ధం కారణంగా బంగారం ధరలు పెరుగుతున్నాయని మార్కెట్ నిపుణులు చెబుతున్నారు. బంగారం ధరలు పెరిగితే ఇబ్బంది పడేది పేద, మధ్య తరగతి ప్రజలే. భారతీయ సంస్కృతిలో భాగమైన బంగారాన్ని పెళ్లిళ్లకు కొనుగోలు చేస్తుంటారు. అయితే పెరుగుతున్న బంగారం ధరలు మధ్యతరగతి ప్రజలను దూరం చేస్తున్నాయి. బంగారం ధరలు ఈ ఏడాది అత్యధికంగా పెరిగే అవకాశముందని కూడా మార్కెట్ నిపుణులు చెబుతున్నారు. కొనుగోళ్లు కొంత తగ్గుముఖం పట్టినా బంగారం ధరలు మాత్రం తగ్గడం లేదు.