Five Rupees Coin : ఐదు రూపాయల నాణెం ఇక కనిపించవా? ఆర్బీఐ ఆ నిర్ణయం తీసుకుందా?

పది రూపాయల నాణెం చెల్లుతుందని ప్రకటించింది. అయినా ప్రజల్లో అనుమానాలు మాత్రం తొలగిపోవడం లేదు. ఇప్పుడు మళ్లీ ఐదు రూపాయల నాణెంపై కూడా అదేరకమైన ప్రచారం ప్రారంభమైంది. అయితే రిజర్వ్ బ్యాంక్ ఆఫ్ ఇండియా నుంచి ఐదు రూపాయల నాణేన్ని రద్దు చేస్తున్నట్లు ఎటువంటి ప్రకటన అధికారికంగా మాత్రం రాలేదు. అయితే సోషల్ మీడియాలో మాత్రం పెద్దయెత్తున ప్రచారం జరుగుతుండటంతో ప్రజలు కొంత ఆందోళనకు గురవుతున్నారు. ఐదు రూపాయల నోట్లు మార్కెట్ లో ఎక్కువగా చెలామణి అవుతున్నాయి.

పది రూపాయల కరెన్సీ నోటు కూడా కొరత ఇటీవల కాలంంలో ఎక్కువగా ఉంది. ఇరవై రూపాయల నోటు దొరికినంత సులువుగా పది రూపాయల నోటు మార్కెట్ లో లభించడం లేదు. దీంతో దానిపై కూడా ముద్రణ ఏమైనా నిలిచిపోయిందా? అన్న సందేహాలు వ్యక్తమవుతున్న తరుణంలో మరోసారి ఐదు రూపాయల నాణెం విషయంలో అదే రకమైన ప్రచారం జరిగుతోంది. ఐదు రూపాయల నాణేల ముద్రణను నిలిపి వేయాలని యోచిస్తున్నట్లు పెద్దయెత్తున సోషల్ మీడియాలో ప్రచారం జరుగుతుంది. అయితే రిజర్వ్ బ్యాంకు ఆఫ్ ఇండియా నుంచి అధికారిక ప్రకటన ఏదీ రాకపోవడంతో దానిని నమ్మవద్దని బ్యాంకు అధికారులు చెబుతున్నారు. దీనిపై ఆర్బీఐ అధికారులు క్లారిటీ ఇవ్వాల్సి ఉంటుంది.