Breaking- Blasts in Bengaluru: బెంగళూరులోని 'రామేశ్వరం కేఫ్' లో పేలుడు

Breaking- Blasts in Bengaluru:బెంగళూరులోని వైట్‌ఫీల్డ్‌లోని ప్రసిద్ధ రామేశ్వరం కేఫ్‌లో శుక్రవారం నాడు పేలుడు సంభవించింది. దేశవ్యాప్తంగా ఉన్న ఫుడ్ బ్లాగర్లకు ఈ కేఫ్ సెంటర్ ఆఫ్ ఎట్రాక్షన్‌గా ఉండేది. బెంగళూరులో ఈ కేఫ్ బాగా పాపులారిటీని సంపాదించుకుంది. పేలుడు జరిగినప్పుడు కూడా రామేశ్వరం కేఫ్ లో భారీగా జనం ఉన్నారు. అయితే ఈ పేలుడు మరీ తీవ్రమైనది కాకపోవడంతో ప్రజలు ఊపిరి పీల్చుకున్నారు. ఈ పేలుడు వెనుక ఎవరి కుట్ర అయినా ఉందా.. లేక సిలిండర్ పేలుడు కారణంగా సంభవించిన అగ్నిప్రమాదమా అనేది తెలియాల్సి ఉంది. ఈ ప్రమాదంలో ఐదుగురు గాయపడినట్లు పోలీసులు తెలిపారు. క్షతగాత్రుల సంఖ్యపై తక్షణ సమాచారం లేనప్పటికీ, ఐదుగురిని ఆసుపత్రికి తరలించినట్లు పోలీసులు తెలిపారు. కుందనహళ్లిలోని రామేశ్వరం కేఫ్‌లో పేలుడు సంభవించడంతో మంటలు చెలరేగాయని పోలీసులు మీడియాకు తెలిపారు.