అన్నా చెల్లెళ్ల అనురాగానికి ప్రతీక.. ఏ సమయంలో రాఖీ కట్టాలో తెలుసా?

అన్నకు రాఖీ కట్టే చెల్లెలు.. తమ్ముడికి రక్షాబంధన్ తో మమతను పంచిపెట్టే అక్క ఇలా ఎన్నో అనుబంధాలను గుర్తుచేసుకునే క్షణాలివి. తోబుట్టువుల మధ్య ప్రేమానురాగాలకు రక్షణకు ప్రతీక గా నిలిచేందుకు ఈ రాఖీపండగ ఎంతో ఉపయోగపడుతుంది. ఏడాదికి ఒక్కసారైనా తమ చిన్ననాటి క్షణాలను గుర్తుకు తెచ్చుకుని ఆప్యాయాతలను, అనురాగాలను పంచుకునేందుకు అవకాశం కల్పించేందుకు రక్షాబంధన్ ఎంతో ఉపయోగపడుతుంది. ఉత్తర భారత దేశం నుంచి వచ్చిన సాంప్రదాయమైనప్పటికీ ఈ రాఖీపండగ కోసం అన్నాచెల్లెల్లు, అక్కా తమ్ముళ్లు ఎంతగానో ఎదురు చూస్తుంటారు.

రాఖీ కట్టిన చెల్లెలు అన్నకు తీపిని తినిపించగా, అన్న తన గారాల చెల్లికి కానుక ఇచ్చుకునే సందర్భం ఇది. కష్టకాలంలో అండగా ఉంటానని సోదరుడి భరోసా కోసం పరితపించే సోదరి ఎదురు చూసే క్షణాలివి. పౌర్ణమి తిధి రోజున ఏటా జరుపుకునే పండగ ఈ ఏడాది ఆగస్టు 9వ తేదీన వచ్చింది. ప్రతి ఏడాది శ్రావణ మాసంలో వచ్చే ఈ పండగ కోసం ఏడాదిగా ఎదురు చూస్తుంటారు. అయితే ఈఏడాది పౌర్ణమి తిథి ఆగస్టు 8వ తేదీన 2.12 గంటలకు ప్రారంభమై ఆగస్టు 9వ తేదీన మధ్యాహ్నం 1.24 గంటలకు ముగుస్తుందని పండితులుచెబుతున్నారు అయితే రాఖీ కట్టేందుకు మంచి సమయం మాత్రం ఆగస్టు 9వ తేదీ ఉదయం 5.47 గంటల నుంచి మధ్యాహ్నం 1.24 గంటల వరకూ ఉందని పండితులు చెబుతున్నారు. ఈ కాలంలోనే రాఖీ కడితే మంచిదని, శభమని సూచిస్తున్నారు.