19500 రూపాయల సబ్‌స్క్రిప్షన్‌ ఉచితం.. ఎవరికంటే?

గూగుల్‌ భారతదేశంలోని విద్యార్థులకు గుడ్ న్యూస్ చెప్పింది. ఆర్టిఫీషియల్ ఇంటెలిజెన్స్ కు సంబంధించిన ప్రో ప్లాన్‌ను ఒక సంవత్సరం పాటు ఉచితంగా అందించనుంది. ఇది 19500 రూపాయల విలువైంది ఈ సబ్‌స్క్రిప్షన్‌. విద్యార్థులు హోంవర్క్, రైటింగ్, వీడియో జనరేషన్‌లో సహాయం పొందేందుకు ఉచితంగా ఉపయోగించవచ్చు. 18 ఏళ్లు లేదా అంతకంటే ఎక్కువ వయసు ఉన్న భారతీయ విద్యార్థులు 12 నెలల పాటు గూగుల్ ఏఐ ప్రో ప్లాన్ ను కాంప్లిమెంటరీ యాక్సెస్‌గా పొందవచ్చు. ఈ సబ్‌స్క్రిప్షన్‌లో జెమినీ 2.5 ప్రో, వీయో 3 వంటి ప్రీమియం ఫీచర్లు ఉన్నాయి. జీమెయిల్, డాక్స్, ఇతర గూగుల్ యాప్స్‌లో 2టీబీ క్లౌడ్ స్టోరేజ్, ఏఐ ఫీచర్లు కూడా అందుబాటులో ఉంటాయి.