Corona Virus : ఈ రాష్ట్రాలకు వెళుతున్నారా? అయితే మాస్క్ లు ధరించాల్సిందే

ప్రధానంగా ఈరకం వేరియంట్ ప్రమాదకరం కాదని చెబుతున్నప్పటికీ వేగంగా వ్యాప్తి చెందుతుండటంతో మరణాల సంఖ్య కూడా ఎక్కువగా ఉంది. దీర్ఘకాలిక రోగులు, వృద్ధులు ఎక్కువగా మరణిస్తున్నారని చెబుతున్నారు. అయితే జలుబు, దగ్గు, జ్వరం, ఒళ్లు నొప్పులు, విరేచనాలు వంటివి ఉంటే వెంటనే కోవిడ్ పరీక్షలు చేయించుకోవాలని కేంద్ర వైద్య ఆరోగ్య శాఖ సూచించింది. జనసమూహాల్లోకి వచ్చేటప్పుడు మాస్క్ లు తప్పనిసరిగా ధరించాలని, శానిటైజర్స్ ను కూడా వాడటం వల్ల వైరస్ వ్యాప్తిని తగ్గించవచ్చని చెబుతుంది.

భారత్ లో గడచిన ఇరవై నాలుగు గంటల్లో 101 మంది పాజిటివ్ గా తేలింది. గడిచిన ఇరవై నాలుగు గంటల్లో పదకొండు మంది మరణించారు. దీంతో భారత్ లో యాక్టివ్ కేసుల సంఖ్య 7,264కు చేరుకుందని కేంద్ర వైద్య ఆరోగ్య శాఖ తెలిపింది. ఇప్పటి వరకూ ఈ ఏడాది కరోనా కారణంగా 108 మంది మరణించారని కూడా భారత ప్రభుత్వం వెల్లడించింది. అత్యధికంగా కేరళలో 1,920, గుజరాత్ లో 1,433, పశ్చిమ బెంగాల్ లో 747, ఢిల్లీలో 649, కర్ణాటకలో 591, మహారాష్ట్రలో540, ఉత్తర్ ప్రదేశ్ లో 275, రాజస్థఆన్ లో 222, తమిళనాడులో 220 యాక్టివ్ కేసులున్నాయని తెలిపింది. ఈ రాష్ట్రాలకు వెళ్లే వారు అన్ని జాగ్రత్తలు తీసుకోవాలని సూచించారు.