Dharmasthala : ధర్మస్థల కేసు వెనుక నిజం ఏమిటి? ఫిర్యాదుదారుడి వెనక ఎవరు?

ఫిర్యాదు ఆధారంగా ధర్మస్థలలో పలుచోట్ల తవ్వకాలు జరుపుతున్నారు. అయితే తవ్వకాల్లో ఎలాంటి అస్థిపంజరాలు లభించలేదని సిట్ అధికారులు చెప్పారు.ఫిర్యాదుదారుడు చెప్పినవి అబద్ధాలేనని తేల్చిన సిట్ అసలు ఎందుకు ఫిర్యాదుదారుడు ఈ రకమైన ఆరోపణలు చేశాడన్న దానిపై ఆరా తీస్తున్నారు. అయితే ఫిర్యాదు దారుడు మాత్రం తన వద్దకు ఒక ముసుగు వ్యక్తి వచ్చి డబ్బులు ఇచ్చి ఇలా ఫిర్యాదు చేయాలని చెప్పాడని పోలీసులతో చెప్పినట్లు తెలిసింది.మరొకవైపు రెండు దశాబ్దాల క్రితం దర్మస్థలకు వచ్చిన తమ కుమార్తె కనిపించకుండా పోయిందంటూ సుజాత భట్ అనే మహిళ పోలీసులకు ఫిర్యాదు చేశారు. అది కూడా అబద్ధమని పోలీసుల విచారణలో తేలింది.

కర్ణాటక రాష్ట్రంలోని ప్రసిద్ధ పుణ్య క్షేత్రమైన ధర్మస్థల వివాదం జాతీయ స్థాయిలో చర్చనీయాంశమైంది. దర్మస్థలకు రోజుకు వేల మంది భక్తులు వస్తుంటారు. ఇక్కడ మంజునాధస్వామి దేవాలయానికి దేశం నలుమూలల నుంచి మాత్రమే కాకుండా ప్రపంచంలోని పర్యాటకులు కూడా ఇక్కడకు వస్తుంటారు. ఇక్కడ సముద్ర తీరం కూడా ఉండటంతో పర్యాటకుల సంఖ్య నిత్యం ఎక్కువగా ఉంటుంది.అయితే ప్రసిద్ధ పుణ్య క్షేత్రమైన ధర్మస్థలిలో ఇలాంటి ఘటనలు జరగడంపై ప్రభుత్వంపై అనేక విమర్శలు కూడా వచ్చాయి. గత రెండు దశాబ్దాలుగా ఈ ప్రాంతంలో నాలుగు వందల యాభై మంది అదృశ్యమయినట్లు వివిధ పోలీసుస్టేషన్ లో ఫిర్యాదులు అందినట్లు కూడా ప్రచారం జరిగింది. అయితే సిట్ విచారణలో అదంతా శుద్ధ అబద్ధమని తేలినట్లు సిట్ అధికారులు తెలిపారు. ఈ ప్రచారం వెనక ఎవరున్నారన్నదానిపై సిట్ అధికారులు ఆరా తీస్తున్నారు.