School Holidays: పాఠశాలలకు సెలవులు.. పరీక్షలు వాయిదా

మహారాష్ట్ర స్టేట్ బోర్డ్ జారీ చేసిన నోటిఫికేషన్ ప్రకారం పేపర్ ఆఫ్ సైన్స్ అండ్ టెక్నాలజీ పార్ట్ 2 జూలై 26న ఉదయం సెషన్‌లో ఉదయం 11 నుండి మధ్యాహ్నం 1 గంటల వరకు జరగాల్సి ఉంది. ఈ పరీక్షను జూలై 31 ఉదయం సెషన్‌లో నిర్వహించనున్నారు. హెచ్‌ఎస్‌సికి సంబంధించి, కామర్స్ అండ్ మేనేజ్‌మెంట్, ఫుడ్ టెక్నాలజీ, ఎంసివిసి పేపర్ 2 నేడు జరగాల్సి ఉండగా.. ఈ పేపర్లన్నీ ఆగస్టు 9న ఒకే సెషన్‌లో నిర్వహించనున్నారు.

భారత వాతావరణ శాఖ (IMD) ముంబై నగరం, దాని శివారు ప్రాంతాలకు 'రెడ్' అలర్ట్ ను జారీ చేసింది. భారీ నుండి అతి భారీ వర్షాలు కురిసే అవకాశం ఉందని హెచ్చరించింది. భారీ వర్షాల హెచ్చరిక నేపథ్యంలో థానే మున్సిపల్ కార్పొరేషన్ ఇప్పటికే తన పరిధిలోని అన్ని పాఠశాలలు, కళాశాలలకు సెలవు ప్రకటించింది. పూణే నగరాన్ని కూడా వర్షాలు అతలాకుతలం చేశాయి. ఎక్కడిక్కడ నీరు నిలిచిపోవడంతో జనజీవనం అస్తవ్యస్తమైంది.