Plane Crash : మృత్యుంజయుడితో మాట్లాడిన మోదీ.. ఏం చెప్పారంటే?

రమేష్ విశ్వాస్ కుమార్ ప్రస్తుతం ఆసుపత్రిలో కోలుకుంటున్నారు. అయితే ఆయనతో ప్రధాని మోదీ ప్రత్యేకంగా మాట్లాడారు. విమానం టేకాఫ్ అయిన కొద్ది క్షణాల్లోనే పేలుడు శబ్దం వినిపించిందని, తాను సీటుతో సహా కింద పడిపోయాని, లేచి చూస్తే చుట్టు మృతదేహలు, మంటలు, విమాన శకలాలు ఉన్నాయని, తేరుకుని తనకు తాను నడుచుకుంటూ వచ్చానని ప్రధాని నరేంద్ర మోదీతో తో రమేష్ విశ్వాస్ కుమార్ చెప్పాడు. టేకాఫ్ అయిన కొద్ది క్షణాల్లోనే ఈ ప్రమాదం జరిగిందని ఆయన మోదీకి వివరించారు.

రమేష్ విశ్వాస్ కుమార్ గత ఇరవై ఏళ్లుగా బ్రిటన్ లో ఉంటున్నారు. తాను కుటుంబసభ్యులను కలుసుకునేందుకు వచ్చి తిరుగు ప్రయాణంలో లండన్ కు బయలుదేరారు. మధ్య సీట్లో కూర్చున్న విమానంలో మధ్య సీట్లో కూర్చున్న రమేష్ విశ్వాస్ కుమార్ స్వల్ప గాయాలతో బయటపడ్డారు. అయితే ఈ ప్రమాదంలో అతనితో పాటు ప్రయాణిస్తున్న సోదరుడు కనిపించడం లేదని రమేష్ విశ్వాస్ కుమార్ అందరినీ అడుగుతుండటం కలచి వేస్తుంది. ఈ ప్రమాదంలో రమేష్ విశ్వాస్ కుమార్ సోదరుడు మరణించారన్న సమాచారం ఆయనకు తెలిసి ఉండకపోవచ్చు. ఎక్కడైనా చికిత్స పొందుతున్నాడేమోనని రమేష్ విశ్వాస్ కుమార్ ఆరా తీయడం పలువురిని కంటతడి పెట్టిస్తుంది.