Narendra Modi : కొత్త జీఎస్టీతో పేదలకు డబుల్ బొనాంజా

వన్ నేషన్ - వన్ ట్యాక్స్ విధానంతో దేశంలో నూతన ఆర్థిక సంస్కరణలు తెచ్చామని మోదీ చెప్పారు. మధ్యతరగతి ప్రజల జీవితాల్లో ఎంతో మార్పు రానుందని మోదీ అభిప్రాయపడ్డారు. జీఎస్టీ సంస్కరణల కారణంగా భారత్ అభివృద్ధి రేటు మరింత పెరుగుతుందని ఆశాభావం వ్యక్తం చేశారు. గతంలో ట్యాక్స్, టోల్ తో కంపెనీలు అనేక ఇబ్బందులు పడ్డాయని అన్నారు. భారమంతా వినియోగదారులపై పడేదని చెప్పారు. చిన్నతరహా పరిశ్రమలకు ఈ సంస్కరణలు మరింత అభివృద్ధి సాధించేందుకు దోహదపడతాయని నరేంద్ర మోదీ అన్నారు. కొత్త జీఎస్టీతో పేదలకు డబుల్ బొనాంజా అని మోదీ అన్నారు. పండగల సమయంలో అందరికీ మేలు జరుగుతుందని నరేంద్ర మోదీ తెలిపారు. అన్ని రంగాల్లో సంస్కరణలు కొనసాగుతూనే ఉంటాయని మోదీ తెలిపారు. జీఎస్టీ సంస్కరణలు దేశాన్ని మరింత బలంగా మారుస్తాయని మోదీ చెప్పారు. ఇంటి నిర్మాణ ఖర్చులతో పాటు అనేక రంగాల్లో వస్తువుల ధరలు తగ్గుతాయని తెలిపారు.