నారీశక్తి వందన్ పేరుతో మహిళ బిల్లు : మోదీ

1996లో మహిళ రిజర్వేషన్ బిల్లు సభ ముందుకు వచ్చినప్పటికీ ఇప్పటి వరకూ ఆమోదం పొందలేదని ఆయన అన్నారు. ఈరోజు మహిళ రిజర్వేషన్ బిల్లు ఆమోదం పొందాలని ఆకాంక్షిస్తున్నట్లు మోదీ తెలిపారు. నారీశక్తి బిల్లును ఆమోదింప చేయడానికి తన వంతు ప్రయత్నం చేస్తానన్న మోదీ, నారీ శక్తి బిల్లును చట్టం చేయడానికి కట్టుబడి ఉన్నానని ప్రకటించారు. నారి శక్తి బిల్లుతో ప్రజాస్వామ్యాన్ని మరింత బలోపేతం చేసుకోగలమని ప్రధాని నరేంద్ర మోదీ ఆకాంక్షించారు. ఈ బిల్లు ఎంపీలకు అగ్ని పరీక్ష అని మోదీ తెలిపారు. అందరూ ఈ బిల్లుకు ఆమోదం తెలిపి మహిళలకు చట్టసభల్లో అవకాశం కల్పించాలని ఆయన కోరారు.