ఫాల్కన్ ఎండీ అమర్ దీప్ అరెస్ట్

పోలీసుల కథనం ప్రకారం.. యాప్ ఆధారిత డిజిటల్ డిపాజిట్ పథకాలు ప్రారంభించి పెట్టుబడిదారులను మోసం చేసినట్లు ఆరోపణలు ఉన్నాయి. బహుళజాతి సంస్థల్లో పెట్టుబడులు, షేర్ మార్కెట్‌లో అధిక లాభాలు వస్తాయంటూ డబ్బులు వసూలు చేసినట్లు తెలిపారు. సురక్షితమైనవి, టెక్నాలజీ ఆధారిత పెట్టుబడులుగా ప్రచారం చేసిన ఈ పథకాలు చివరకు మోసంగా తేలినట్లు పోలీసులు వెల్లడించారు. స్కాం వెలుగులోకి రాగానే అమర్‌దీప్‌ దంపతులు దుబాయ్‌కు పరారయ్యారు. ఇంతకుముందే ఈ కేసులో కంపెనీ సీఈఓను, అమర్‌దీప్‌ సోదరుడిని పోలీసులు అరెస్టు చేశారు.విచారణ కోసం అమర్‌దీప్‌ను హైదరాబాద్‌కు తీసుకువచ్చే అవకాశముందని, అనంతరం కోర్టులో హాజరుపరుస్తామని పోలీసులు వెల్లడించారు.