Thu Apr 18 2024 07:16:05 GMT+0000 (Coordinated Universal Time)
ఒమిక్రాన్ వ్యాప్తికి ప్రధాన కారణం ప్లాస్టిక్..ఎంతసమయం సజీవంగా ఉంటుందంటే..
తాజాగా ఒమిక్రాన్ వైరస్ మనిషి శరీరంపై ఎంతసమయం ఉంటుంది ? ప్లాస్టిక్ పై ఎంత సమయం ఉంటుంది? అన్న అంశాలు బయటపడ్డాయి. గతంలో వచ్చిన వైరస్ లకు
ప్రపంచ దేశాలను కుదిపేస్తున్న కరోనా కొత్త వేరియంట్ ఒమిక్రాన్ పై పలువురు వైద్య నిపుణులు అధ్యయనాలు చేస్తున్నారు. ప్రతినిత్యం ఒమిక్రాన్ గురించి ఏదొక కొత్తవిషయం తెరపైకి వస్తూనే ఉంది. తాజాగా ఒమిక్రాన్ వైరస్ మనిషి శరీరంపై ఎంతసమయం ఉంటుంది ? ప్లాస్టిక్ పై ఎంత సమయం ఉంటుంది? అన్న అంశాలు బయటపడ్డాయి. గతంలో వచ్చిన వైరస్ లకు భిన్నంగా ఒమిక్రాన్ వైరస్.. మనిషి శరీరంపై 21 గంటలపాటు సజీవంగా ఉంటుందని ఓ అధ్యయనంలో వెల్లడైంది.
Also Read : హైదరాబాద్ లో సాఫ్ట్వేర్ ఉద్యోగి ఆత్మహత్య
అదేవిధంగా ప్లాస్టిక్ పై ఏకంగా 8 రోజులపాటు ఒమిక్రాన్ వైరస్ సజీవంగా ఉంటుందని తేలింది. దీంతో ఓమిక్రాన్ వైరస్ ప్రభావం ఏ స్ధాయిలో ఉందో అర్ధం చేసుకోవచ్చని శాస్త్రవేత్తలు చెప్తున్నారు. అయితే గతంలో వచ్చిన కరోనా వేరియంట్లేవీ.. మనిషి శరీరంపై గానీ.. ప్లాస్టిక్ పై గానీ ఇంత సమయం సజీవంగా లేవని ఈ అధ్యయనంలో తేలింది. ఇతర వేరియంట్లతో పోలిస్తే.. ఒమిక్రాన్ వేగంగా విస్తరించడానికి ప్రధాన కారణం ఇదేనని అధ్యయనం చెప్తోంది. కాబట్టి ఒమిక్రాన్ పట్ల జాగ్రత్తగా ఉండాలని, వీలైనంతవరకూ ప్లాస్టిక్ వాడకాన్ని తగ్గించాలని నిపుణులు హెచ్చరిస్తున్నారు.
Next Story