Unidn budget : నేడు నిర్మలా సీతారామన్‌ బడ్జెట్‌ .. ఎవరికి ప్రయోజనం అంటే?

నిరంతరంగా బడ్జెట్‌లు ప్రవేశపెట్టిన ఆర్థిక మంత్రిగా ఆమె అత్యధిక కాలం సేవలందించిన ఆర్థిక మంత్రిగా నిలవనున్నారు. ఆర్థిక శాఖ బాధ్యతలు చేపట్టిన కొద్ది రోజులకే 2019 జూలై 5న ఆమె తొలి బడ్జెట్‌ను ప్రవేశపెట్టారు. అప్పటి నుంచి ప్రతి ఏడాది వార్షిక ఆర్థిక ప్రకటనను ఆమెనే ప్రవేశపెడుతున్నారు. ఈ క్రమంలో గత ఆర్థిక మంత్రుల రికార్డులను దాటేశారు.దేశ చరిత్రలోనే అత్యంత పొడవైన బడ్జెట్‌ ప్రసంగం రికార్డూ నిర్మలా సీతారామన్‌ ఖాతాలోనే ఉంది. 2020–21 ఆర్థిక సంవత్సరానికి బడ్జెట్‌ ప్రవేశపెట్టిన సందర్భంగా 2020 ఫిబ్రవరి 1న ఆమె రెండు గంటల 42 నిమిషాల పాటు ప్రసంగించారు.

2019లో వలస పాలన కాలం నాటి బడ్జెట్‌ బ్రీఫ్‌కేస్‌కు ఆమె వీడ్కోలు పలికారు. ఎర్ర గుడ్డలో చుట్టిన సంప్రదాయ బహీ ఖాతాను ఆమె ప్రవేశపెట్టారు. ఆ తర్వాత 2021లో దేశంలో తొలిసారిగా పూర్తిగా పేపర్‌లెస్‌ బడ్జెట్‌ను ఆమె ప్రవేశపెట్టారు. డిజిటల్‌ ట్యాబ్‌ ద్వారా బడ్జెట్‌ పత్రాలను సమర్పించారు. అయితే నేడు బడ్జెట్ లో ఎవరికి ప్రయోజనాలుంటాయి? ఏ వస్తువులపై పన్ను విధించనున్నారు. ఏ వస్తువుల ధరలు తగ్గనున్నాయన్నది నేడు తేలనుంది. అలాగే రాష్ట్రాలకు కూడా ఏ రకమైన కేటాయింపులనేది ఈ బడ్జెట్ ద్వారా స్పష్టం కానుంది.