కొత్త ఏడాది రాకముందే.. ఈ రెండు రోజుల్లో ఈ పనిచేయకుంటే మీకు తలెత్తే ఇబ్బందులివే

పాన్ –ఆధార్ లింకింగ్ ఆలస్యం చేస్తే పెద్ద సమస్య తలెత్తే అవకాశముందని అంటున్నారు. పాన్ కార్డు – ఆధార్ కార్డు లింక్ చేసుకునేందుకు ఇచ్చిన గడువు డిసెంబర్ 2025తో ముగియనుంది.ఈ లోపు లింక్ చేయకపోతే జనవరి 1, 2026 నుంచి పాన్ కార్డు పనిచేయదన్న హెచ్చరికలు వినిపిస్తున్నాయి. పాన్ పనిచేయకపోతే అనేక సమస్యలు తలెత్తుతాయి. ఆదాయపు పన్ను రిటర్న్ దాఖలు చేయలేరు. బ్యాంక్ లావాదేవీలకు అడ్డంకిగా మారనున్నాయి. మ్యూచువల్ ఫండ్లు, షేర్ల పెట్టుబడులు నిలిచిపోతాయి. భారీ మొత్తాల కొనుగోళ్లు చేయలేరు.

దీంతో పాటు కేంద్ర, రాష్ట్ర ప్రభుత్వాలు అందించే కొన్ని ప్రభుత్వ పథకాల ప్రయోజనాలు కోల్పోయే ప్రమాదం ఉందని కూడా నిపుణులు హెచ్చరిస్తున్నారు. యూపీఐ, ఎస్ఐఎం, , మెసేజింగ్ యాప్‌లపై కఠిన నియమాలు వచ్చే అవకాశాలున్నాయని చెబుతున్నారు. డిజిటల్ చెల్లింపులు పెరుగుతున్న కొద్దీ ఆన్‌లైన్ మోసాలు కూడా పెరుగుతున్నాయి. దీనిని అరికట్టేందుకు జనవరి 2026 నుంచి UPI భద్రతపై మరిన్ని కఠిన నియమాలు అమల్లోకి రావొచ్చని సమాచారం అందుతుంది. అందుకే ఈ రెండు రోజుల్లో పాన్ - ఆధార్ కార్డు లింక్ ను పూర్తి చేసుకుని అన్ని రకాల సమస్యల నుంచి బయటపడాలని సూచనలు వినిపిస్తున్నాయి. 2026 రావడానికి మరో రెండు రోజులు మాత్రమే సమయం ఉండటంతో ఈలోపు పూర్తి చేసుకోవాలని చెబుతున్నారు.