వర్గీకరణ తీర్పుపై మందకృష్ణ ఏమన్నారంటే?

ఇప్పటి వరకూ జారీ చేసిన ఉద్యోగ నోటిఫికేషన్లను నిలుపుదల చేసి ఎస్సీ రిజర్వేషన్లను అమలు చేయాలని మంద కృష్ణ మాదిగ డిమాండ్ చేశారు. ఆంధ్రప్రదేశ్ లో చంద్రబాబు ఈ రిజర్వేషన్లను అమలు చేస్తారని తాము భావిస్తున్నామని అన్నారు. నాడు చంద్రబాబు నాయుడే ఎస్సీ వర్గీకరణను అమలు చేశారని, ఇప్పుడు ఆయనే ముఖ్యమంత్రిగా ఉండటంతో ఆయన ఖచ్చితంగా అమలు చేస్తారని అన్నారు. అలాగే తెలంగాణ రాష్ట్రంలోనూ రేవంత్ రెడ్డి రిజర్వేషన్లలో ఎస్సీ వర్గీకరణను అమలు చేయడానికి సిద్ధంగా ఉన్నారని ఆయన తెలిపారు. తమ పోరాటానికి సహకరించిన ప్రధాని మోదీ, కేంద్ర హోంమంత్రి అమిత్ షాలకు ఆయన ధన్యవాదాలు తెలిపారు.