Maoists : మావోయిజం ఇక అంతరించినట్లేనా? కీలక నేతల మరణంతో?

అడవిలో ఉండాల్సిన మావోయిస్టులు పట్టణం బాట పట్టారు. ఆంధ్రప్రదేశ్ లో యాభై మంది మావోయిస్టులు ఒకేరోజు దొరకడం అంటే మామూలు కాదు. హిస్టరీ. మావోయిస్టు అగ్రనేత చలపతి మరణించడం కూడా ఈ ఉద్యమం దెబ్బతినడానికి కారణం. హిడ్మా మృతితో ఇక మావోయిజం దాదాపు కనుమరుగైందని చెప్పాలి. ఒక్కొక్కరిపై కోటి రూపాయల రివార్డు ఉన్నాయంటే వారికోసం వేట ఏ స్థాయిలో జరిగిందో అర్థం చేసుకోవచ్చు. దండకారణ్యాన్ని వదిలి జనారణ్యానికి వస్తున్నారంటే వారు పూర్తిగా గన్ లు పైకి ఎత్తినట్లే. కేంద్ర కమిటీ దాదాపుగా తుడిచిపెట్టుకుపోయింది. ఇక మిగిలిన చిన్నా చితకా నాయకత్వం లొంగిపోవాల్సిన అవసరం ఏర్పడింది. ఇక గతంలో మాదిరిగా గిరిజనుల నుంచి సహకారం కూడా అంతంత మాత్రంగానే ఉంది. రిక్రూట్ మెంట్ కూడా జరగడం లేదు.

మాస్టర్ మైండ్ మావో లీడర్లందరూ మరణించడంలో ఇన్ ఫార్మర్ల ప్రమేయం ఎక్కువగా కనిపిస్తుంది. ఇన్ ఫార్మర్లు పూర్తిగా భద్రతాదళాలకు సహకరిస్తున్నారు. తమ ప్రాంత అభివృద్ధిని వేగంగా కోరుకోవడమే ఇందుకు ప్రధాన కారణం. ఇప్పటికే వందల సంఖ్యలో మావోయిస్టులు లొంగిపోయారు. కీలక నేతలు కొందరు హతమయ్యారు. మరికొందరు గన్ లు వదిలి సరెండర్ అయ్యారు. ఇక అడవుల్లో ఉండి చేసేదేమీ లేదు. అందుకే బయటకు వచ్చిసిద్ధాంతాలను పక్కన పెట్టడమే మంచిదన్న భావన మావోల్లో కనిపిస్తుంది. తినీ తినక,నిద్రపోయి పోక.. నిరంతరం టెన్షన్ మధ్య బతికే కన్నా ఇక జనజీవన స్రవంతిలో కలసి పోవడమే మంచిదన్న నిర్ణయానికి రావడంతో 2025 మావోయిజానికి ఎదురుదెబ్బ అని చెప్పక తప్పదు. ఇక మావోయిజం దాదాపు లేనట్లేనని అనుకోవాలి.