హమ్మయ్య.. స్కూల్స్ ఓపెన్ అయ్యాయి

ప్రస్తుతం అక్కడ కేసులు క్రమంగా తగ్గుముఖం పట్టడంతో విద్యా సంస్థలను తెరవడానికి స్థానిక అధికారులు నిర్ణయించారు. జిల్లాలోని కంటైన్‌మెంట్ జోన్‌ల బయట ఉన్న విద్యాసంస్థలు సోమవారం నుంచి సాధారణ కార్యకలాపాలను తిరిగి ప్రారంభించాయి. ఈ విషయాన్ని జిల్లా కలెక్టర్ ఏ.గీత ఓ ప్రకటలో తెలియజేశారు. కంటైన్‌మెంట్ జోన్‌లలో ఉన్న పాఠశాలలకు సంబంధించి ఆన్‌లైన్ తరగతులు నిర్వహించనున్నారు. ప్రతి ఒక్కరూ తప్పనిసరిగా మాస్క్ ధరించడం, శానిటైజర్ వాడాలని అధికారులు సూచించారు. నిబంధనలను కఠినంగా అమలు చేయాలని అధికారులు పాఠశాల యాజమాన్యాలకు సూచించారు.