Sabarimala : శబమరిమల బంగారం మాయం కేసులో కేరళ హైకోర్టు కీలక తీర్పు

విజిలెన్స్‌ నివేదిక ప్రకారం సుమారు 474.9 గ్రాముల బంగారం ఆలయానికి బంగారు పూత చేయించేందుకు యూనికృష్ణన్‌ కు అప్పగించారని, కానీ ఆ బంగారం తిరిగి ట్రావెన్ కోర్ దేవస్థఆనం బోర్డుకు అందించారనే రికార్డు లేదని కోర్టు వెల్లడించింది. ఇదే అంశంపై ముందే ఏర్పాటు చేసిన ప్రత్యేక దర్యాప్తు బృందం అన్ని కోణాల్లో దర్యాప్తు జరపాలని ఆదేశించింది. విజిలెన్స్‌ నివేదికను టీడీబీకి పంపి, వారు రాష్ట్ర పోలీసు చీఫ్‌కు అందజేయాలని కూడా ఆదేశించింది. దర్యాప్తు నిర్పక్షపాతంగా, వేగంగా సాగి నిందితులు శిక్షకు గురయ్యేలా చూడాలని కోర్టు సూచించింది. ఆరు వారాల్లో పూర్తి నివేదిక, ప్రతి రెండు వారాలకు ఒకసారి పురోగతి నివేదిక సమర్పించాలని కూడా కేరళ హైకోర్టు ఆదేశించింది. దర్యాప్తు వివరాలు విచారణ పూర్తయ్యే వరకు ప్రజలకు లేదా మీడియాలో వెల్లడించ కూడదని కూడా కేరళ కోర్టు స్పష్టం చేసింది.