ఆ ఇద్దరు అమ్మాయిలు కలిసి జీవించొచ్చు

తల్లిదండ్రుల నుండి దూరంగా ఉంటున్న ఇద్దరు అమ్మాయిలు సహజీవనం చేయడానికి కేరళ హైకోర్టు ఓకే చెప్పింది. లెస్బియన్ జంట అధీలా నస్రీన్-ఫాతిమా నూరా కలిసి జీవించేందుకు కేరళ హైకోర్టు అనుమతినిచ్చింది. వారు దాఖలు చేసిన హెబియస్ కార్పస్ పిటిషన్‌ను విచారించిన అనంతరం.. అమ్మాయిలిద్దరూ కలిసి జీవించొచ్చని తీర్పు చెప్పింది. ఫాతిమాను ఆమె తల్లిదండ్రులు అపహరించారని, కన్వర్షన్ థెరపీకి పాల్పడ్డారని ఆరోపిస్తూ అధీలా గత వారం పోలీసులకు ఫిర్యాదు చేసింది. ఇది వారి వ్యక్తిగత వ్యవహారమంటూ కేసు నమోదు చేసేందుకు పోలీసులు నిరాకరించారు. దీంతో అధీలా హైకోర్టులో హెబియస్ కార్పస్ పిటిషన్ దాఖలు చేసింది. సుప్రీంకోర్టు తీర్పు ప్రకారం తమకు కలిసి జీవించే హక్కు ఉందని చెప్పుకొచ్చారు. విచారించిన కోర్టు వారిద్దరూ కలిసి జీవించేందుకు అనుమతినిచ్చింది.