మైనస్ డిగ్రీలకు పడిపోయిన ఉష్ణోగ్రతలు.. భారత్ లోనే ఎక్కడంటే?

రాజధాని శ్రీనగర్‌లో ఆదివారం రాత్రి కనిష్ఠ ఉష్ణోగ్రత మైనస్ 3.6 డిగ్రీల సెల్సియస్‌గా నమోదైంది. ఇది శనివారం రాత్రి నమోదైన మైనస్ 3.2 డిగ్రీల కంటే స్వల్పంగా తక్కువగా ఉందని అధికారులు చెప్పారు. దక్షిణ కాశ్మీర్‌లోని పహల్గామ్‌లో మైనస్ 4.8 డిగ్రీల సెల్సియస్‌ చలి నమోదైంది. ఖాజిగుండ్‌లో మైనస్ 2 డిగ్రీలు, కోకర్‌నాగ్‌లో మైనస్ 1.2 డిగ్రీలు, ఉత్తర కాశ్మీర్ కుప్వారాలో మైనస్ 1.8 డిగ్రీల సెల్సియస్‌గా ఉష్ణోగ్రతలు నమోదయ్యాయి.ప్రస్తుతం కాశ్మీర్ లోయలో ‘చిల్లా-ఏ-కలాన్’ కొనసాగుతోంది. ఇది 40 రోజుల పాటు ఉండే తీవ్రమైన చలి కాలం. ఈ సమయంలో రాత్రి ఉష్ణోగ్రతలు గడ్డకట్టే స్థాయికి దిగువకు పడిపోవడం సాధారణం. మంచు కురిసే అవకాశాలు కూడా ఇదే సమయంలో ఎక్కువగా ఉంటాయి.అయితే, ఈ సీజన్‌లో ఇప్పటివరకు లోయలోని సమతల ప్రాంతాల్లో మంచు పడలేదని అధికారులు తెలిపారు.