మగువలకు షాక్... పెరిగిన బంగారం ధరలు

బంగారం ధరలు ఎప్పుడు పెరుగుతాయో చెప్పలేం. దానికి కారణాలు అనేకం. బంగారానికి ఉన్న డిమాండ్ ను బట్టి దాని ధరల నిర్ణయం ఉంటుంది. సీజన్ తో సంబంధం లేకుండా కొనుగోళ్లు జరుగుతుండటంతో బంగారం ధరలు ఎప్పుడు పెరుగుతుందో, తగ్గుతుందో చెప్పలేని పరిస్థితి. ప్రజలు కూడా తమ దగ్గర డబ్బులున్నప్పుడు బంగారాన్ని కొనుగోలు చేయడానికి అలవాటు పడ్డారు. కేంద్ర బ్యాంకుల వద్ద బంగారం నిల్వలు, ద్రవ్యోల్బణం, అంతర్జాతీయ మార్కెట్ లో ఒడిదుడుకులు బంగారం ధరలపై ప్రభావం చూపుతాయి అంటారు. అందుకే బంగారం ధరలను భారతీయులు పట్టించుకోవడం ఎప్పుడో మానేశారు. పెట్టుబడిగా చూసేవారు కొందరైతే, ఆభరణాలుగా చూసేవారు మరికొందరు ఉండటంతో ఎప్పుడూ బంగారం షాపులు కిటకిట లాడుతూనే ఉంటాయి.