కొంచెం ఊరట అనుకోవచ్చుగా

బంగారం ధరలు ఎప్పుడూ పెరుగుతుంటాయి. తగ్గతే సంబరమే. అలాగే స్థిరంగా కొనసాగినా ఆనందమే. ధరలు పెరగకపోతే చాలు అనే మనస్తత్వానికి చేరుకున్నారు కొనుగోలుదారులు. పెళ్లిళ్ల సీజన్ కావడంతో సంస్కృతి సంప్రదాయాలను అనుసరించి బంగారు ఆభరణాలను ఖచ్చితంగా కొనుగోలు చేయాల్సి ఉంటుంది. అందుకే ఈ సీజన్‌లో అంత డిమాండ్. దీనికి తోడు అక్షర తృతీయ కూడా తోడు కావడంతో జ్యుయలరీ దుకాణాలు వినియోగదారులతో కిటకిటలాడుతున్నాయి. కేంద్ర బ్యాంకుల వద్ద బంగారం నిల్వలు, అంతర్జాతీయ మార్కెట్‌లో ధరల ఒడిదుడుకులు, ద్రవ్యోల్బణం, డాలర్‌తో రూపాయి తగ్గుదల, రష్యా - ఉక్రెయిన్‌ల మధ్య యుద్ధం వంటి కారణాలుగా బంగారం ధరలు పెరుగుతాయని మార్కెట్ నిపుణులు చెబుతున్నారు. వాళ్లు చెప్పినట్లుగానే ధరలు ప్రతిరోజూ పెరుగుతూనే ఉన్నాయి.