పసిడిప్రియులకు సంక్రాంతి కానుక

బంగారం ధరలు ఎప్పుడు పెరుగుతాయో ఎప్పుడు తగ్గుతాయో చెప్పలేం. అయితే గత మూడు రోజుల నుంచి వరసగా కొద్దిగా తగ్గుతూ వస్తున్నాయి. ఇది పసిడిప్రియులకు కొంత ఊరట కల్గించే అంశంగానే చెప్పుకోవాలి. సంక్రాంతి పండగ రోజు పసిడి ధరలు తగ్గడంతో బంగారాన్ని కొనుగోలు చేయాలనుకునే వారు సంతోషం వ్యక్తం చేస్తున్నారు. పసిడి ధర ఎప్పడూ నిలకడగా ఉండదు. రోజువారీగా ధరల్లో మార్పులు చోటు చేసుకుంటాయి. పెరిగితే అధికంగా, తగ్గితే స్వల్పంగా బంగారం ధరలు ఉంటాయి. అయినా ధరలతో సంబంధం లేకుండా, సీజన్ తో పనిలేకుండా బంగారాన్ని కొనుగోలు చేస్తుండటంతో బంగారానికి డిమాండ్ పెరిగింది. డిమాండ్ పెరగడంతో సహజంగానే ధరలు పెరుగుతాయంటున్నారు మార్కెట్ నిపుణులు.