బహుశ ఇక తగ్గవేమో?

అసలే పెళ్లిళ్ల సీజన్.. ఆ పైన అక్షర తృతీయ.. ఇంకేముంది బంగారం ధరలకు అడ్డూ అదుపూ లేకుండా పోయింది. రెండు రోజుల నుంచి బంగారం, వెండి ధరలు పెరుగుతూనే ఉన్నాయి. కేంద్ర బ్యాంకుల వద్ద నిల్వలు, అంతర్జాతీయ మార్కెట్‌లో ధరల ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల, రష్యా - ఉక్రెయిన్ల మధ్య యుద్ధం వంటి కారణాలతో బంగారం, వెండి ధరలు పెరుగుతాయని మార్కెట్ నిపుణులు ఎప్పటి నుంచో హెచ్చరిస్తున్నారు. దీనికితోడు కేంద్ర బడ్జెట్‌లో కస్టమ్స్ డ్యూటీ పెంచడం, దిగుమతులు భారత్ తగ్గించడం వంటి కారణాలుగా ధరల పెరుగుదలకు కారణంగా మారాయి. పెరుగుతున్న బంగారం ధరలు మధ్యతరగతి ప్రజలకు భారంగా మారాయి. అలా అని కొనుగోళ్లు తగ్గాయని చెప్పలేం. ఎందుకంటే సంప్రదాయాలను పాటించాల్సి రావడంతో ఎక్కువ మొత్తాన్ని వెచ్చించైనా బంగారాన్ని కొనుగోలు చేస్తుండటంతో జ్యుయలరీ షాపులు కిటికట లాడుతున్నాయి.