Operation Sindoor : పాక్ దాడులకు దిగుతుంది.. భారత్ సైన్యం సమర్థవంతంగా ఎదుర్కొంటోంది

పాకిస్తాన్ దాడులలో పదహారు మంది అమాయకులు మరణించారని తెలిపారు. ఇందులో ముగ్గురు మహిళలు, ఐదుగురు చిన్నారులున్నారని చెప్పారు. భారత్ భూభాగంలో పడినవి పాక్ కు చెందిన ఆయుధాల శకాలేనని తేలిందన్నారు.పాక్ దాడులను భారత సైన్యం సమర్థవంతంగా తిప్పికొడుతుందని తెలిపారు. పాక్ మంత్రులు పాక్ లో ఉగ్రవాదులు ఎవరూ లేరని నిసిగ్గుగా ప్రకటించుకుంటున్నారని అన్నారు. దీనికి ప్రతీకారంగా లాహోర్ లోని ఎయిర్ డిఫెన్స్ వ్యవస్థను రద్దు చేశామని వివరించారు. భారత్ అతిక్రమణలకు దిగుతుందని పాక్ తప్పుడు ప్రచారానికి దిగుతుందని అన్నారు. మనం చేసిన దాడులు ఎక్కడా రెచ్చగొట్టేలా లేవని తెలిపారు. పాక్ లో ఉగ్రవాదులు తలదాచుకుంటున్నారని ప్రపంచమంతా తెలుసునని చెప్పారు.

పాకిస్తాన్ కు వ్యతిరేంగా ఉన్నఆధారాలను ఐక్యరాజ్యసమితికి అందించామని చెప్పారు. అంతర్జాతీయ సమాజాన్ని పాక్ తప్పుదోవ పట్టించే ప్రయత్నం చేస్తుందని తెలిపారు. తాము ఎన్నో సాక్షాలను పాక్ కు అందించినా అది మాత్రం తన వైఖరిని వీడలేదన్నారు. మన వద్ద కాల్ రికార్డులతో పాటు ఇతర ఆధారాలు కూడా ఉన్నాయని చెప్పారు. అందుకే పాకిస్తాన్ మతపరమైన ప్రాంతాల్లో దాడులు చేస్తుందని తప్పుడు ప్రచారం చేస్తుందని, అయితే అందులో నిజం లేదని, ఉగ్రవాద స్థావరాలను మాత్రమే భారత్ లక్ష్యంగా చేసుకుని దాడులకు దిగిందని వారు వివరించారు. హహల్గామ్ దాడులపై స్వతంత్ర దర్యాప్తు చేయాలని పాక్ కోరుతుందని అన్నారు. స్పష్టమైన ఆధారాలున్న ఉగ్రవాదులపై ఎలాంటి చర్యలుపాక్ తీసుకోలేదని తెలిపారు. మోస్ట్ వాంటెడ్ టెర్రరిస్టులు పాక్ లో ఆశ్రయం పొందుతున్నారని చెప్పారు. పాక్ మనదేశంలోని మూడు గురుద్వారాలపై దాడులు చేసిందని తెలిపారు. నియంత్రణ రేఖ వెంట పాక్ ఇంకా కవ్వింపు చర్యలకు దిగుతుందని తెలిాపారు.