ల్యాప్ టాప్ ఆర్డర్ ఇస్తే 'ఘడీ' డిటర్జెంట్ సబ్బులు

ఐఐఎం గ్రాడ్యుయేట్ యశస్వి శర్మకు ఫ్లిప్‌కార్ట్ నుంచి లాప్ టాప్ బదులుగా ఘడి డిటర్జెంట్ సబ్బులు వచ్చాయని ఆరోపించాడు. ఫ్లిప్‌కార్ట్ తన తప్పును అంగీకరించడానికి నిరాకరించిందని కూడా యశస్వి ఆరోపించాడు. ఫిర్యాదు చేస్తే ఫ్లిప్‌కార్ట్ కస్టమర్ కేర్ తననే నిందిస్తోందని వాపోయాడు. తన వద్ద సీసీటీవీ ఫుటేజీలున్నప్పటికీ అది వృథా అయిందని ఆరోపించాడు. వచ్చిన డెలివరీ ప్యాకేజీకి అంగీకరించడం తన తండ్రి తప్పిదమని కూడా పోస్ట్‌లో పేర్కొన్నాడు. తన తండ్రికి "ఓపెన్-బాక్స్" డెలివరీ గురించి తెలియదు. ఓపెన్ బాక్స్ డెలివరీ కాన్సెప్ట్ ప్రకారం, డెలివరీ చేసే వ్యక్తి ముందు బాక్స్‌ను తెరిచి, ఉత్పత్తిని జాగ్రత్తగా తనిఖీ చేసిన తర్వాత మాత్రమే కొనుగోలుదారు OTPని అందించాల్సి ఉంటుంది. డెలివరీ బాయ్ బాక్స్ తెరవకుండానే వెళ్లిపోయిన సెక్యూరిటీ కెమెరా ఫుటేజీ తన వద్ద ఉందని యశస్వి శర్మ చెప్పుకొచ్చాడు.