బంగారం ధరలకు బ్రేక్

పసిడిప్రియులు బంగారం ధరలు ఎప్పుడు తగ్గుతాయా అని ఎదురు చూస్తుంటారు. బంగారం ధరలు తగ్గకపోయినా సరే స్థిరంగా కొనసాగితే చాలు అనే పరిస్థితికి వచ్చారు. వరసగా గత కొన్ని రోజులుగా బంగారం ధరలు పెరుగుతుండటంతో మదుపరులకు ఇబ్బందిగా మారింది. ముఖ్యంగా పెట్టుబడి కోసం బంగారాన్ని కొనుగోలు చేసే వారికి ధరలు పెరుగుతుండటం ఆందోళన కలిగిస్తుంది. కేంద్ర బ్యాంకుల్లో బంగారం నిల్వలు, అంతర్జాతీయ మార్కెట్ లో ధరల ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల, కేంద్ర ప్రభుత్వం బడ్జెట్ లో బంగారంపై కస్టమ్స్ డ్యూటీ పెంచడం, రూపాయి బలపడటం కోసం బంగారం దిగుమతులను తగ్గించడం వంటి కారణాలతో గత కొంత కాలంగా బంగారం ధరలు పెరుగుతున్నాయి. పెళ్లిళ్ల సీజన్ కావడంతో పేదలకు బంగారం కొనడం భారంగా మారింది.