Sun May 12 2024 01:07:14 GMT+0000 (Coordinated Universal Time)
మాజీ మంత్రి ఇళ్లలో సోదాలు.. తమిళనాడులో కలకలం
మాజీ మంత్రి తంగమణి ఇళ్లు, కార్యాలయాలపై డైరెక్టర్ ఆఫ్ విజిలెన్స్ అండ్ యాంటీ కరప్షన్ అధికారులు సోదాలు నిర్వహిస్తున్నారు.
తమిళనాడు అన్నాడీఎంకే నేత, మాజీ మంత్రి తంగమణి ఇళ్లు, కార్యాలయాలపై డైరెక్టర్ ఆఫ్ విజిలెన్స్ అండ్ యాంటీ కరప్షన్ అధికారులు సోదాలు నిర్వహిస్తున్నారు. మొత్తం 69 చోట్ల ఈ దాడులు జరుగుతున్నట్లు సమాచారం. ఆయనతో పాటు ఆయన కుటుంబ సభ్యులు, సన్నిహితుల ఇళ్లలో కూడా అధికారులు సోదాలు నిర్వహిస్తున్నారు. క్రిప్టో కరెన్సీలో తంగమణి భారీ ఎత్తున పెట్టుబడులు పెట్టినట్లు సమాచారం అందడంతో ఈ దాడులు జరుగుతున్నాయి.
ఏపీలోనూ....
తమిళనాడు, కర్ణాటక, ఆంధ్రప్రదేశ్ లలో ఏకకాలంలో ఈ సోదాలు జరుగుతున్నాయి. తంగమణిపై ఇప్పటికే పోలీసులు కేసు నమోదు చేశారు. చెన్నై నగరంతో పాటు కోయంబత్తూరు, మధురలలో కూడా సోదాలు నిర్వహిస్తున్నారు. ఇప్పటికే అనేక చోట్ల కీలక డాక్యుమెంట్లు, హార్డ్ డిస్క్ లను అధికారులు స్వాధీనం చేసుకున్నట్లు తెలిసింది.
Next Story