Covid Virus : కోవిడ్ మళ్లీ బ్రేక్ అవుతుందా? క్వారంటైన్ లో ఎంత మంది ఉన్నారో తెలుసా?

కేరళ, మహారాష్ట్ర, తమిళనాడు, కర్ణాటక, ఆంధ్రప్రదేశ్, తెలంగాణలలో కొన్ని కేసులు నమోదయ్యాయి. అత్యధికంగా కేరళలో ఎక్కువ కేసులు నమోదయ్యాయి. కర్ణాటకలో పదహారు పాజిటివ్ కోవిడ్ కేసులు నమోదయ్యాయని అధికారులు తెలిపారు. దీంతో కేరళలో మాస్క్ ను తప్పనిసరి చేశారు. జనసమ్మర్దం ఎక్కువగా ఉన్న ప్రాంతాల్లో మాస్క్ లు ధరించాలని, అవసరమైతే తప్ప జనం ఎక్కువగా ఉండే చోటకు వెళ్లవద్దని కూడా వైద్యులు సూచిస్తున్నారు. స్వీయ జాగ్రత్తలు తీసుకోకుంటే కరోనా వైరస్ వ్యాప్తి ఎక్కువవుతుందని అంటున్నారు. ఆంధ్రప్రదేశ్ లో ముగ్గురికి పాజటివ్ గా నిర్ధారణ అయింది. విశాఖపట్నం, కడప జిల్లాల్లో కోవిడ్ కేసులు నమోదయ్యాయి. తెలంగాణలో ఒక కేసు మాత్రమే ఇప్పటి వరకూ నమోదయింది.

కరోనా వైరస్ సోకిన వారిని క్వారంటైన్ లోనే ఉంచి ఎక్కువగా చికిత్స అందిస్తున్నారు. జ్వరం, జలుబు, దగ్గు, గొంతు మంట, ఒళ్లునొప్పులతో బాధపడే వారు ఖచ్చితంగా కోవిడ్ పరీక్షలు చేయించుకోవాలని వైద్యులు సూచిస్తున్నారు. అయితే కేంద్ర ప్రభుత్వం మాత్రం ఇప్పటి వరకూ ఆసుపత్రుల్లో చేరే వారి సంఖ్య తక్కువగా ఉందని, ఒకే ఒక మరణం సంభవించినా అతనికి క్యాన్సర్ ఉండటంతో మరణించాడని అధికారులు తెలిపారు. పెద్దగా భయపడాల్సిన పనిలేకపోయినప్పటికీ ప్రజలు ముందస్తు చర్యలు తీసుకోవాలని, ప్రభుత్వాలు కూడా ప్రజలను నిరంతరం అప్రమత్తం చేస్తూ తగిన ఏర్పాట్లుచేసుకోవాలని కేంద్ర ప్రభుత్వం తెలిపింది. ఎవరికి వారు స్వీయ జాగ్రత్తలు తీసుకుంటే కరోనా వైరస్ వ్యాప్తి చెందదని చెబుతెన్నారు.