Corona Alert : వేగంగా వ్యాప్తి చెందుతోన్న కరోనా . క్వారంటైన్ కు సిద్ధమవ్వాల్సిందేనా?

అయితే 2023 నుంచి ఈ రకం వేరియంట్ జనంలో ఉందని వైద్యులు చెబుతున్నారు. ఎవరూ ఎలాంటి ఆందోళన చెందాల్సిన పనిలేదని, వైద్యులు చెబుతున్నారు. ఎందుకంటే సరైన చర్యలు తీసుకుంటే కరోనా వైరస్ వ్యాప్తిని తగ్గించవచ్చని చెబుతున్నారు. మాస్క్ లు ధరించడంతో పాటు శానిటైజర్ తో ఎప్పటికప్పుడు శుభ్రం చేసుకోవడంతో పాటు భౌతిక దూరం కూడా పాటించాలని నిబంధనలను కేంద్ర వైద్య ఆరోగ్య శాఖ అన్ని రాష్ట్రాలకు ఆదేశాలు జారీ చేసింది. రద్దీ ప్రదేశాల్లో ఖచ్చితంగా మాస్క్ లను ధరించేలా చర్యలు తీసుకోవాలని సూచించింది. భారత్ లోని ఇరవై రాష్ట్రాల్లో కేంద్ర పాలిత ప్రాంతాల్లో కరోనా వైరస్ కేసులు నమోదవుతున్నాయని తెలిపింది.

ఎక్కువగా జలుబు, దగ్గు, జ్వరం, ఒళ్లునొప్పులు ఉంటే వెంటనే వైద్యులను సంప్రదించడంతో పాటు క్వారంటైన్ లో ఉంటూ చికిత్స పొందేలా ఏర్పాట్లు చేయాలని కేంద్ర ప్రభుత్వం సూచించింది. మరొకవైపు ఇప్పటి వరకూ భారత్ లో కరోనా వైరస్ తో మరణం నమోదు కాలేదని భారత వైద్య ఆరోగ్య శాఖ తెలిపింది. సోషల్ మీడియాలో వస్తున్న వార్తలు నమ్మవద్దని తెలిపింది. ఇది ప్రమాదకరమైన వేరియంట్ కాదని, దీనికి ఇంట్లో ఉండి చికిత్స చేసుకోవచ్చని సూచించింది. అయితే ప్రజలు మాత్రం గుమికూడకుండా తగిన ముందస్తు చర్యలు తీసుకోవాలని, స్వీయ నియంత్రణ పాటిస్తే కరోనా వైరస్ వ్యాప్తిని అడ్డుకోవచ్చని కేంద్ర వైద్య ఆరోగ్య శాఖ సూచించింది. మొత్తం మీద కరోనా వైరస్ డేంజర్ బెల్స్ మాత్రం మోగిస్తూనే ఉన్నాయి.