Corona Virus : గుడ్ న్యూస్.. తగ్గుతున్న కరోనా వైరస్ కేసులు

అన్ని రాష్ట్ర ప్రభుత్వాలను అలెర్ట్ చేసింది. కోవిడ్ ప్రత్యేక వార్డులను ఏర్పాటు చేసుకోవాలని సూచించింది. ఆక్సిజన్ సిలండర్లతో పాటు అవసరమైన మందులను కూడా రెడీ చేసి పెట్టుకోవాలని ఆదేశాలు జారీ చేసింది. ఈ వేరియంట్ ప్రమాదకరం కాకపోయినప్పటికీ వృద్ధులు, దీర్ఘకాలిక రోగులు మరణించే అవకాశముండటంతో ఈ రకమైన ఆదేశాలు జారీ చేసింది. ఇమ్యునిటీని పెంచుకునే విధంగా ప్రజల్లో అవగాహన కల్పించాలని కూడా భారత ప్రభుత్వం అన్ని రాష్ట్ర ప్రభుత్వాలను ఆదేశించింది. వైరస్ వ్యాప్తి ఈ ఏడాది ఎక్కువగా ఉంటుందని అంచనాలు కూడా వినిపించాయి. వర్షాకాలం ముందే రావడం, నైరుతి రుతుపవనాలు ముందుగానే ప్రవేశించడంతో చల్లటి వాతావరణంలో వైరస్ విజృంభిస్తుందని వైద్య నిపుణులు కూడా అభిప్రాయపడ్డారు.

అయితే కొద్దిరోజులుగా కరోనా వైరస్ కేసుల సంఖ్య తగ్గుతుందని కేంద్ర వైద్య ఆరోగ్య శాఖ తెలిపింది. గడిచిన ఇరవై నాలుగు గంటల్లో దేశ వ్యాప్తంగా 179 పాజిటివ్ కేసులు మాత్రమే నమోదయ్యాయి. అందులో అత్యధికంగా కర్ణాటకలో 105 కేసులున్నాయని వైద్య ఆరోగ్య శాఖ తెలిపింది. ఇక యాక్టివ్ కేసుల సంఖ్య 6,836కు కు చేరుకుంది. వీటిలో అత్యధికంగా కేరళలో 1,659, కర్ణాటకలో 696, పశ్చిమ బెంగాల్ లో 747, గుజరాత్ లో 1,249 యాక్టివ్ కేసులున్నాయని కేంద్ర వైద్య ఆరోగ్య శాఖ తెలిపింది. ఇప్పటి వరకూ కరోనా వైరస్ కారణంగా 109 మంది మరణించారు. కరోనా వైరస్ కేసులు తగ్గుముఖం పట్టినప్పటికీ ప్రభుత్వాలు అప్రమత్తంగా ఉండాలని, ప్రజలు జాగ్రత్తలు పాటించాలని సూచించింది.