కాంగ్రెస్ చీఫ్ గా నేడు బాధ్యతలు చేపట్టనున్న ఖర్గే

పార్టీ అత్యున్నత పదవి రేసులో ఖర్గే తన ప్రత్యర్థి శశి థరూర్‌ను భారీ తేడాతో ఓడించి, 24 ఏళ్ల తర్వాత ఆ పదవిని చేపట్టిన మొదటి గాంధీయేతర వ్యక్తిగా నిలిచారు. అక్టోబర్ 17న జరిగిన ఓటింగ్‌లో ఖర్గేకు 7,897 ఓట్లు రాగా, ఆయన ప్రత్యర్థి థరూర్‌కు 1,072 ఓట్లు వచ్చాయి. థరూర్‌కు అభినందనలు తెలిపిన ఆయన, పార్టీని ముందుకు తీసుకెళ్లే విధానాలపై చర్చించామని చెప్పారు. ఖర్గే విజయం సాధించినందుకు అభినందనలు తెలిపేందుకు థరూర్ ఆయన నివాసాన్ని వెళ్లారు. కాంగ్రెస్ పార్టీ సీనియర్ నేత సోనియా గాంధీ కూడా మల్లికార్జున్ ఖర్గే ఇంటికి వెళ్లడం విశేషం.