వైవాహిక అత్యాచారాన్ని నేరంగా పరిగణించలేము!!

భారతదేశంలో వివాహాన్ని పరస్పర బాధ్యతగా పరిగణిస్తారని, ఇక్కడ ప్రమాణాలు ఉల్లంఘించరానివిగా పరిగణించబడుతున్నాయని కేంద్రం వాదించింది. ఈ అంశంపై ఏదైనా నిర్ణయం తీసుకునే ముందు భాగస్వామ్య పక్షాలతో విస్తృతస్థాయిలో సంప్రదింపులు జరపాల్సి ఉందన్నారు. అన్ని రాష్ట్రాల అభిప్రాయాలను పరిగణనలోకి తీసుకోకుండా వైవాహిక అత్యాచారం నిర్ణయాన్ని వెల్లడించలేమని కోర్టుకు కేంద్రం తెలిపింది. వైవాహిక వేధింపుల బాధితుల కోసం ప్రస్తుత చట్టాల ప్రకారం తగినంత చట్టపరమైన పరిష్కారాలు ఇప్పటికే ఉన్నాయని, మినహాయింపును కొట్టివేయడం వివాహ సంస్థను అస్థిరపరచవచ్చని కేంద్రం వాదించింది.