PM Kisan Samman Nidhi Yojana : పీఎం కిసాన్ పథకం డబ్బులు రావడం లేదా? మీకొక గుడ్ న్యూస్

కేంద్ర ప్రభుత్వం రైతులకు గుడ్ న్యూస్ చెప్పింది. పీఎం కిసాన్ సమ్మాన్ నిధి యోజన పథకం రాని వారు దరఖాస్తు చేసుకునేందుకు అవకాశమిస్తూ నిర్ణయం తీసుకుంది. అర్ములైన రైతులందరికీ కేంద్ర ప్రభుత్వం పీఎం కిసాన్ సమ్మాన్ నిధి యోజన పథకం కింద ఏడాదికి ఆరు వేల రూపాయలు జమ చేస్తుంది. మొత్తం మూడు విడతలుగా ఏడాది లో విడతకు రెండు వేల రూపాయలు చొప్పున వారి ఖాతాల్లో జమ చేస్తుంది. ఇప్పుడు ఆంధ్రప్రదేశ్ వంటి రాష్ట్రాల్లో పీఎం కిసాన్ సమ్మాన్ నిధి యోజన పథకం కింద జమ అయ్యే నిధులతో పాటు అన్నదాత సుఖీభవ పథకం కింద ఏడాదికి ఇరవై వేల రూపాయలు జమ చేస్తుండటంతో దీనికి ప్రాదాన్యత పెరిగింది. ఇప్పటి వరకూ దేశ వ్యాప్తంగా పీఎం కిసాన్ సమ్మాన్ నిధి యోజన పథకం కింద 9.8 కోట్ల మంది రైతులు లబ్ది పొందుతున్నారని కేంద్ర ప్రభుత్వం చెబుతుంది.