Bengaluru : బెంగళూరు బీజేపీ నేతలపై కేసు నమోదు

పోలీస్ అధికారి ఫిర్యాదు మేరకు కర్ణాటక పోలీస్ చట్టంలోని పలు సెక్షన్ల కింద కేసు నమోదు చేశారు. బీజేపీ రాష్ట్ర అధ్యక్షుడు బి.వై. విజయేంద్ర పిలుపు మేరకు సెప్టెంబర్ 24న రహదారులపై గుంతలు, దుర్వస్థితిని ఎత్తిచూపేందుకు పార్టీ నిరసన కార్యక్రమం ప్రకటించారు. దీనిలో భాగంగా జిల్లా అధ్యక్షుడు సప్తగిరి గౌడ నేతృత్వంలో కార్యకర్తలు ఉదయం 11.30 గంటలకు గాంధీనగర్ ఆర్టీ స్ట్రీట్‌లో రహదారి దిగ్బంధనానికి దిగారు. నిరసన మధ్యాహ్నం 1 గంట వరకు కొనసాగింది. ఈ నిరసన వల్ల ప్రజలకు ఇబ్బందులు కలిగాయని, కోర్టు ఆదేశాలను ధిక్కరించారని పోలీసులు తెలిపారు. దీనిపై పోలీసులు కేసు నమోదు చేశారు.