అన్నదమ్ములు ఒకే అమ్మాయిని పెళ్లి

హిమాచల్ ప్రదేశ్‌లో ఇద్దరు అన్నదమ్ములు ఒకే మహిళను పెళ్లి చేసుకున్నారు. హట్టీ తెగకు చెందిన వీరు తరతరాలుగా వస్తున్న సంప్రదాయాన్నే తాము పాటించామని చెబుతున్నారు. హట్టీ తెగలో కనిపించే ఈ తరహా వివాహాన్ని జోడీదారా లేదా జజ్దా అని పిలుస్తారు. హిమాచల్ ప్రదేశ్‌లోని రెవెన్యూ చట్టాల్లో ఈ తరహా వివాహానికి గుర్తింపు ఉంది. హిమాచల్ ప్రదేశ్-ఉత్తరాఖండ్ సరిహద్దుల్లో ఉండే ఈ తెగకు మూడేళ్ల క్రితం షెడ్యూల్డ్ తెగగా గుర్తింపు దక్కింది. వారసుల మధ్య పంపకాల్లో వ్యవసాయ భూమి చీలికలు కాకుండా ఈ సంప్రదాయం ఉనికిలోకి వచ్చిందని, ఉమ్మడి కుటుంబాల్లో సోదరుల మధ్య ఐకమత్యం కూడా పెరుగుతుందని నమ్ముతారు. హట్టీ తెగలో వివాహాలు కూడా హిందూ మ్యారేజ్ యాక్ట్ పరిధిలోకే వస్తాయని, ఈ వివాహాలను హిమాచల్ ప్రదేశ్ హైకోర్టు గుర్తించిందని లాయర్లు చెబుతున్నారు.