పండుగలకు కొత్త నిబంధనలు అమలు.. మరీ ముఖ్యంగా బక్రీద్ కోసం ?

అధికారులతో సమీక్ష అనంతరం.. ప్రజా ప్రయోజనాల దృష్ట్యా ఈ నిబంధనలను సదుపాయాలను అమలు చేయాలని సీఎం యోగి ఆదిత్యనాథ్ అధికారులకు ఆదేశాలు జారీ చేశారు. ఏ మతం వారైనా శాంతిభద్రతలను కాపాడేవిధంగా ఈ పండుగలను జరుపుకోవాలని ప్రజలకు సూచించారు. బక్రీద్, మొహర్రం పర్వదినాల్లో రోడ్లపై ప్రయాణించేవారికి ఇబ్బందులు లేకుండా.. రోడ్డు భద్రతలను పాటించాలని మత పెద్దలతోను, విద్యావేత్తలతోను స్థానిక అధికారులు సంప్రదించాలని తెలిపారు. జూన్ 29న బక్రీద్ నేపథ్యంలో వివాదాస్పద స్థలాల్లో పశువులను బలివ్వడాన్ని నిషేధించారు. ముందుగానే నిర్ణయించిన ప్రదేశాల్లో ఆయా కార్యక్రమాలు చేసుకోవాలని, బలిచ్చే ప్రాంతాలపై అధికారులకు సమాచారమివ్వాలని స్పష్టం చేశారు. కన్వర్ యాత్ర సంప్రదాయబద్దంగా జరుపుకోవాలని అందరు సురక్షితంగా ఉండాలని దానికి తగిన సూచనలు పాటించాలన్నారు. ఆయా మార్గాల్లో మాసం విక్రయాలు, ఉత్పత్తులు ఉండకూడదని తెలిపారు.