అరుదైన బిడ్డకు జన్మనిచ్చిన మహిళ.. రెండు తలల మధ్య నుంచి మూడో చేయి!

ఆపరేషన్ కు ముందు తీసిన సోనోగ్రఫీ రిపోర్టులో మహిళ గర్భంలో కవలలు ఉన్నట్లు గుర్తించారు. కానీ.. ఆపరేషన్ చేశాక ఒకే శరీరానికి రెండు తలలు, మూడు చేతులుండటం వారిని ఆశ్చర్యానికి గురిచేసింది. రెండు తలల మధ్య వెనుక నుంచి మూడో చేయి ఉన్నట్లు వైద్యులు తెలిపారు. బిడ్డను వెంటనే నవజాత శిశువుల ప్రత్యేక సంరక్షణ యూనిట్ (ఎస్ఎన్‌సీయూ)కు తరలించారు. అక్కడ కొంత సమయం ఉంచి తర్వాత ఇండోర్‌లోని ఎంవై ఆసుపత్రిలోని ఐసీయూకు తరలించారు. బిడ్డ ఇలా జన్మించడాన్ని వైద్య పరిభాషలో 'పాలీసెఫాలీ కండిషన్' అంటారని.. ప్రస్తుతం శిశువు పరిస్థితి విషమంగా ఉందని ఎస్ఎన్‌సీయూ ఇన్‌చార్జ్ డాక్టర్ నవీద్ ఖురేషీ తెలిపారు. ఇలాంటి కేసుల్లో శిశువు గర్భంలోనే మరణిస్తుందని, లేదంటే పుట్టిన 48 గంటల్లోనైనా ప్రాణాలు కోల్పోతుందన్నారు. సర్జరీ చేసే అవకాశం ఉన్నా 60-70 శాతం మంది చిన్నారులు బతకడం లేదని డాక్టర్ నవీద్ వివరించారు.